پارێزگهها دهۆكێ داوی پارێزگهها ههرێما كوردستانێیه، حالهتێن تووشبوون ب ڤایرۆسا كۆرۆنایێ تێدا هاتینه توماركرن، د نوكه ژی دا كێمترین حالهت ههنه، بهرپرسهكێ ساخلهمییا دهۆكێ ژی ددهت دیاركرن كو هیچ نهخۆشهكێ كۆرۆنایێ ل دهۆكێ پێدڤی ب چاڤدێرییا چڕ نینه.
ددهما 24 دهژمێرێن بوری چوو حالهتێن نوو نههاتینه توماركرن
حهمزه رهزیكی بهرپرسێ راگههاندنا رێڤهبهرییا گشتیی یا ساخلهمییا پارێزگهها دهۆكێ بۆ "وشه" گۆت، پارێزگهها دهۆكێ دووماهی پارێزگهها ههرێما كوردستانێ بوو حالهتێن تووشبوون ب كۆرۆنایێ تێدا هاتینه توماركرن، ددهما 24 دهژمێرێن بوری چوو حالهتێن نوو نههاتینه توماركرن.
زێدهتر گۆت "ل سنوورێ پارێزگهها دهۆكێ 177 كهس تووشی كۆرۆنایێ بووینه، ژ وان حالهتان 140 تووشبوو چاك بووینه و دووباره جارهكا دی ڤهگهریانه مال، د نوكه دا تنێ 37 تووشبوو نوكه ل نهخۆشخانێن كۆرۆنایێ ل دهۆكێ چارهسهرییا وان دهێتهكرن و ل بن چاڤدێرییا نوژداران دانه و رهوشا ههمووان ژی باشه"
رهزیكی دیاركر ژی ههتا نوكه هیچ نهخۆشهكێ كۆرۆنایێ ل پارێزگهها دهۆكێ پێدڤی ب چاڤدێرییا چڕ و ئامیرێن ههناسهدانا دهستكرد نهبووینه و گۆت ژی، "ل پارێزگهها دهۆكێ دوو نهخۆشخانه تایبهت ب كۆرۆنایێ ههنه، نهخۆشخانا جوانكاری و سووتنێ كو هاتییه تایبهت كرن ب كۆرۆنایێ، نهخۆشخانا كاڤین كو ژلایێ كومپانیا كاڤین گرووپ هاتییه چێكرن، دیسان نهخۆشخانهكا دی ل ناوچهدارییا فهیدیێ هاتییه چێكرن ئهو دبیته نهخۆشخانا سێ ل پارێزگهها دهۆكێ تایبهت ب كۆرۆنایێ"
ل سنوورێ پارێزگهها دهۆكێ د نوكه دا 11 جهـ تایبهت ب كهرهنتین كرنا وان كهسان هاتینه دیاركرن، ئهڤێن ژ دهرڤه زڤرین و گومان ههیه تووشی كۆرۆنایێ ببن یان ژی تێكهلییهكا ئێكسهر ل گهل تووشبوویێن كۆرۆنایێ كرییه، ئهڤرۆ 34 كهس هاتینه كهرهنتین كرن، دبهرانبهردا 20 كهس ژ كهرهنیتنێ داوی هاتنه، ههردیسان ههتا نوكه حهفت هزار و 835 كهس ژ كهرهنتنێن پارێزگهها دهۆكێ دهركهفتنه، رهزیكی هوسا گۆت.
بهرپرسێ راگههاندنا ساخلهمییا پارێزگهها دهۆكێ دیاركر ژی كو ددهما 24 دهمژمێرێن بوری ل سنوورێ پارێزگهها دهۆكێ 546 پشكنین بۆ گومانلێكریێن كۆرۆنایێ هاتینهكرن و هیچ كهس ههلگرێ ڤایرۆسا كۆرۆنایێ نهبوویه و گۆت ژی، "ههتا نوكه 30 هزار و 445 پشكنین ل سنوورێ پارێزگهها دهۆكێ بۆ گومانلێكریێن كۆرۆنایێ هاتینهكرن، ئهم دخوازین وهلاتی زێدهتر ل سهر رێنمایێن خوه پاراستنێ بكهن ب تایبهتی بكارئینانا دهمامك و دهستكێشا و خوه دویركرن ل جهێن قهرهبالغ و بهركهفتنا وهلاتییان، ههردیسان بهردهوام دهستێن خوه ب سابوون و پاقژكهرێن تایبهت ب شوون".
ل ههرێما كوردستانێ شهش هزار و 403 كهس تووشی كۆرۆنایێ بووینه، ژ وانان 213 كهسان گیانێ خوه ژ دهستدایه و هزار و 78 تووشبوو ژی چاك بووینه.