دهمهكێ كێم بهری نوكه ل بارهگایێ رێڤهبهرییا گشتییا چاندنێ، ههرئێك ژ جێگرێ پارێزگارێ دهوكێ و رێڤهبهرێ گشتی یێ چاندنێ و و بهرپرسێ دهزگایێ خێرخوازێ بارزانی و بهرپرسێن كهرتێ چاندنێ و فهرمانگهها JCC یا بهرهنگاربوونا قهیرانا ل دهوكێ كومبوون، بریاردا كو 210 تۆنێن تهماتهیان ژ جووتیارێن پارێزگهها دهۆكێ بكرن وهك پشتهڤانی بۆ جووتیاران، دیسان بریاردا سالا بهێت ل قهزا سێمێلێ كارگهههكا دووشاڤا تهمامێ ژی بهێته چێكرن.
دهزگههێ خێرخازێ بارزانی دێ 210 تۆنێن تهماتهیان ژ جووتیارێن دهۆكێ كریت
ماجید سهید سادق جێگرێ پارێزگارێ دهۆكێ د كۆنگرهكێ رۆژنامهڤانی دا دیاركر كو ئهو سوپاسییا دهزگههێ خێرخوازێ بارزانی دكهن بۆ وێ دهستپێشخهرییا وان بۆ پشتهڤانییا جووتیاران كری و گوت، "دخوازین كو دهولهمهندێن دهڤهرێ چاڤ ل دهزگههێ خێرخوازێ بارزانی بكهن، ژبهركو ئهڤ كاره دێ بیته پالپشتییهك بو جووتیارێن كێم دهرامهت، راستهوخۆ ئاواره و پهنابهر دێ مفای ژێ وهرگرن"
زێدهتر گوت "لژنهك هاتینه پێك و ئالییهتهكا رێكوپێك هاتییهدانان بو وهرگرتنا بهرههمێ جووتیاران و ئهڤ كاره دێ ب هاوئاههنگی ل گهل رێڤهبهریێن كهمپان هێته ئهنجامدان".
لهزگین حهجی رێڤهبهرێ گشتی چاندنێ ل پارێزگهها دهۆكێ ل بارا ڤهكرنا كارگههێن بهرههمئینانا دۆشاڤا تهماتێ، د كونگرهی دا گۆت، "ل ساڵا بهێت كارگهههكا مهزن یا دۆشاڤا تهماتێ ل سێمێلێ دێ هێته دانان، ههروهسا كارگهههكا دی یا داگرتنا فێقێ و بهرههئینانا شهربهتێ ل دهڤهرا بامهرنێ دێ هێته ئاڤاكرن و ل دهڤهرا كانی سپیێ عومبارێن تهزاندنا فێقێ دێ هێنه ئاڤاكرن ئهڤه ههموو دێ بنه هاریكار بو پاراستنا بهرههمێ جووتیاران".
ب گورهی پێزانینێن وشه د كومبوونێ دا دهستخوڤه ئینای، روژانه 30 تۆنێن تهماتهیان دێ ژ جووتیارێن كێم دهرامهت هێنه كرین و ههر سندووقهكا 10كیلوگرامی دێ ب سێ هزار دیناران هێته حیسابكرن، پارێزگهها دهۆكێ ل سهر سێ كهرتان هاتییه دابهشكرن، ل قهزا زاخۆ روژانه دێ حهفت تۆن و نیڤ، ل قهزا دهۆك و سێمێل روژانه حهفت تۆن ونیڤ و ل قهزا شێخان، بهردهرهش و ئاكرێ روژانه 15 تۆن هێنه كرین، پاشان دێ ل سهر كهمپێن وان دهڤهران هێنه بهلاڤكرن و بریار ئهوه دماوێ حهفتییهكێ دا 210 تۆن بهێنه وهرگرتن.