ده‌مه‌كێ كێم به‌ری نوكه، ل نێزیك ناوچه‌دارییا باتیفا یا سه‌ر ب ده‌ڤه‌ردارییا زاخۆ، ژ ئه‌گه‌رێ ته‌قینا بومبه‌كا چاندی پاسه‌وانه‌كێ سنووری ب دژواری بریندار بوو.
هه‌تا نوكه چوو پێزانین نینن كا ئه‌و بومبه چ تشت بو و كێ دانایه
ژێده‌ره‌كێ ل نێزیك روودانێ بو "وشه" گوت، ده‌مه‌كێ كێم به‌ری نوكه، ل لوفێن بناڤ زرێزه ل نێزیك ناوچه‌دارییا باتیفا یا سه‌ر ب ده‌ڤه‌ردارییا زاخۆ، ژ ئه‌گه‌رێ ته‌قینا بومبه‌كا چاندی پاسه‌وانه‌كێ سنووری ب دژواری بریندار بوو.
زێده‌تر گۆت "هه‌تا نوكه چوو پێزانین نینن كا ئه‌و بومبه چ تشت بو و كێ دانایه، به‌لێ ژ ئه‌گه‌رێ ئه‌وێ بومبێ پیێ پاسه‌وانه‌كێ سنووری كو باره‌گایێ وان ل باتیفایه فری و ره‌وشا وی نه‌یا باشه"
برینداربوونا وی دده‌مه‌كێدایه كو چه‌ند روژێن بوری پاسه‌وانی سنوور لڤین ب هێزین خوه كریه و هنده‌ك خالێن نوو دانایه.
"وشه" پێوه‌ندی ب فه‌رمانده‌یا ئیك یا پاسه‌وانی سنوور ل باتیفا كر و روودان پشتڕاست كر.