پشتی چوار هه‌یڤێن كۆرۆنایێ ل هه‌رێما كوردستانێ و سێ هه‌یڤێن كۆرۆنایێ ل پارێزگه‌ها دهۆكێ، بۆ ئێكه‌م جار دوو تووشبوویێن كۆرۆنایێ ل پارێزگه‌ها دهۆكێ گیانێ خوه ژ ده‌ست دا.
حه‌مزه ره‌زیكی به‌رپرسێ راگه‌هاندنا رێڤه‌به‌رییا گشتییا ساخله‌مییا پارێزگه‌ها دهۆكێ بۆ "وشه" گوت، بۆ ئیكه‌مجار مرن ب كۆرۆنایێ گه‌هشته پارێزگه‌ها دهۆكێ.
زێده‌تر گوت "شه‌ڤا بووری ل نه‌خۆشخانا گوڵان ل ئاكرێ، دوو نه‌خۆشێن دژیێ 66 سالی و 60 سالی پشتی ده‌ركه‌فتنا نیشانێن كۆرۆنایێ، به‌ری كو ئه‌نجامێن وان ده‌ركه‌ڤن گیانێ خوه ژ ده‌ست دا"
به‌رپرسێ راگه‌هاندنا رێڤه‌به‌رییا گشتییا ساخله‌میا دهۆكێ دیاركر ژی كۆ ئێك ژ وان تووشبوویێن گیانێ خوه ژ ده‌ست دایی زێره‌ڤان بو و ئێك ژی كاسبكاره و زێده‌تر گوت " ئه‌م سه‌ره خوشیێ ل كه‌سوكارێن وان دكه‌ین و دخوازین وه‌لاتی زێده‌تر پابه‌ندیێ ب رێنمایین خوه پاراستنێ بكه‌ن داكو گیانێ وان و خێزان و كه‌سوكارێن وان بهێته پاراستن"
ب گوره‌ی پێزانینێن "وشه"، ئێك ژ وان خه‌لكێ ده‌ڤه‌ردارییا به‌رده‌ڕه‌ش و ئێك ژی خه‌لكێ ئاكرێیه، هێشتا ته‌رمێن وان ل نه‌خۆشخانا گوڵانن ل ئاكرێ.
ل سنوورێ پارێزگه‌ها دهۆكێ كه‌س تووشی كۆرۆنایێ بووینه، دوو كه‌سان گیانێ خوه ژ ده‌ستدایه و تووشبوو ژی چاك بووینه.