دهمهكێ كێم بهرى نوكه چهند بالهفرهكێن توركیا دهست ب بۆردمان كرنا دهڤهرێن جودایێن پارێزگهها دهۆكێ كر، ترومبێلهك ژى ل ناوچهدارییا دهركارێ ل زاخۆ كره ئارمانج و ژناڤبر.
ههتا نوكه چوو زیان ناهێنه زانین
ب گورهى ئهوان پێزانینێن "وشه" ل چهند ژێدهرهكێن خوجهـ ل دهڤهرێن جودایێن پارێزگهها دهۆكێ وهرگرى، دهمهكێ كێم بهرى نوكه بالهفرێن توركیا دهست ب بۆردمان كرنا چهند دهڤهران كر.
ههر ئێك ژ دهڤهرا نێروهورێكان و هاڤینگهها ئاڤا مارك و چیایێ لینك ل سنوورێ ههردوو ناوچهداریێن شێلادزێ و دێرهلووكێ ل ئامێدیێ، دهڤهرا زێبارێ ل سنوورێ ناوچهدارییا دینارته ل ئاكرێ، دیسان كومهلگهها بێرسیفێ یا سهر ب ناوچهدارییا دهركارێ ل زاخۆ ژلایێ بالهفرێن توركیا هاتنه بۆردمان كرن.
ژ ئهگهرێ زڤرین و فرینا بهردهوام یا بالهفرێن توركیا ههتا نوكه چوو زیان ناهێنه زانین، بهلێ ل كومهلگهها بێرسیفێ ترومبێلهك بویه ئارمانجا بالهفران و نوكه ناهێته زانین ئهو ترومبێل یا كێ یه.
ل 16 ههیڤا بورى توركیا ئوپراسیوونا چهنكێ بلنگى بۆ ههرێما كوردستانێ دهست پێ كر و تنێ ل سنوورێ پارێزگهها دهۆكێ ههتا نوكه شهش كهس شههیدبوینه.