ئهڤرۆ ب ههلكهفتا دهربازبوونا شهش سالان ل سهر كومكوژیا گوندێ كوچۆ، دوو چالاكى ب زاخۆ و گوندێ كوچۆ ب رێڤهچوون، چاكلاڤانهكێ ئێزدى ژى ددهت دیاركرن كو پێدڤى یه كار بو ڤهگهراندنا ئهو كهسانێن ههتا نوكه ددهستێ داعشێ دا مایى بهێتهكرن.
چهكدارێن تیرورستێن داعشێ دهست ب سهر گوندێ كوچۆ دا گرت
باسم شنگالى، چالاكڤانێ ئێزدى ل پارێزگهها دهۆكێ بۆ "وشه" دیاركر كو ئهڤرۆ ب ههلكهفتا دهربازبوونا شهش سالان ل سهر كومكوژیا گوندێ كوچۆ دوو چالاكێن ساده ب رێڤهچۆن.
زێدهتر گۆت "چالاكیا ئێكێ ل گوندێ كوچۆ ب پشكداریا هژمارهكا كهسوكارێن قوربانیان ب رێڤهچۆ، چالاكیا دوویێ ژى ل كهمپا قادیان ل زاخۆ ب رێڤهچۆ، تێدا كهسوكارێن قوربانیان خواست ب زوترین دهم ئهو كچ و ژن و كهسێن ئێزدى ههتا نوكه د دهستێ داعشێ دا نههاتینه رزگاركرن، بهێنه رزگاركرن"
دهێته زانین د رۆژهكا وهكو ئهڤرۆ دا بهرى شهش سالان چهكدارێن تیرورستێن داعشێ دهست ب سهر گوندێ كوچۆ دا گرت، ژ كوما هزار و 700 خهلكێ كوچۆ، 407 كهس هاتنه شههیدكرن و 643 كهس ژى هاتنه رهڤاندن، ژ وانان 93 مێنه شههیدكرن و 435 مێنه ژى رهڤاندن، ههتا نوكه 16 گورێن ب كوم ل كوچۆ هاتینه دیتن.