12 خیڤەتێن ئاوارەیان ل زاخۆ سوتن

:: AM:11:26:09/09/2020 ‌
دەمەکێ کێم بەری نوکە د دوو روودان و دوو جهێن جودا ل ناڤا کەمپێن ئاوارەیان ل زاخۆ ژ ئەگەرێ روودانێن ئاگری 12 خیڤەتێن ئاوارەیان سوتن.
د هەردوو روودانان دا 12 خیڤەتێن ئاوارەیان سوتن و زیانێن زور یێن ماددی پێکەفتن

کاروان زەکی ئەترۆشی، بەرپرسێ راگەهاندنا رێڤەبەرییا کوچ و کوچبەر و بەرسڤدانا قەیرانان ل پارێزگەها دهۆکێ بۆ "وشە"گوت، دەمەکێ کێم بەری نوکە دوو روودانێن ئاگری ل کەمپێن پارێزگەها دهۆکێ روویدان.

زێدەتر گۆت "روودانا ئێکێ دناڤا کەمپا بێرسڤێ ل زاخۆ روویدا و 10 خیڤەت سوتن، روودانا دوویێ ژی ل کەمپا قادیان ل هەر ل زاخو و دوو خیڤەت سوتن، د هەردوو روودانان دا  12 خیڤەتێن ئاوارەیان سوتن و زیانێن زور یێن ماددی پێکەفتن"

ناڤبری دیارکر ژی کو ئەڤ سالە پتری 30 خیڤەتێن ئاوارەیان ل کەمپێن ئاوارە وپەنابەران ل پارێزگەها دهۆکێ سوتنە و زێدەتر گوت "رێڤەبەرییا کۆچ و کوچبەران و بەرسڤدانا قەیرانان ل نێزیک سەرەدان بو کریە و کەلوپەل و پێدڤیێن پێدڤی لسەر زیانڤێکەفتیان بلاڤکرنە، پرانیا جاران ژی روودان ژ ئەگەرێ شورتێن کارەبێ دروست بویە، وەکو ڤان هەردوو روودانێن ئەڤرۆ کو ژ کارەبێ دروست بویە"

ل سنورێ پارێزگەها دهۆکێ 21 کەمپ بۆ ئاوارە وپەنابەران هاتنە چێکرن و پتری 900 هزرار کەس تێدا دژین، بەلێ پشکەک ژ وان کەمپان هاتینە ڤالاکرن و خەلکێ وێ ڤەگەریانە سەر جهـ و وارێن خوە.











وشە - نەوزاد هلۆری

ئه‌م بابه‌ته 135 جار خوێنراوه‌ته‌وه‌‌