ئه‌ڤ ساله‌ سنج به‌رهه‌مدار بوو

:: PM:03:11:07/11/2020 ‌
سنج ئێكه‌ ژ به‌رهه‌مێن پایزى و زۆر ب كێمى ل هه‌رێما كوردستانێ هه‌یه‌، گوندێ بالندا ل ده‌ڤه‌را بارزان ئێكه‌ ژ وان گوندێن كوردستانێ كو به‌رهه‌مێ سنجێ هه‌یى، به‌لێ سنجه‌كا سرۆشتى یه‌ و ئه‌ڤ ساله‌ به‌رهه‌م باش بوو.
هژماره‌كا زۆر یا دارا سنجێ ل گوندێ بالندا هه‌یه .

زنار نزار، ئێكه‌ ژ وه‌لاتیێن گوندێ بالندا بۆ "وشه‌" گۆت، سنج ئێكه‌ ژ به‌رهه‌مێن پایزى و زۆر ب كێمى ل كوردستانێ هه‌یه‌.

زێده‌تر گۆت "هژماره‌كا زۆر یا دارا سنجێ ل گوندێ بالندا هه‌یه‌، به‌لێ هه‌موو ژى سروشتى یه‌ و ل ده‌ڤه‌رێن ده‌شت و نێزیك رووباران شین دبیت، ئه‌ڤ ساله‌ هه‌مبه‌رى سالێن بورى به‌رهه‌مێ سنجێ باشتر بوو"

ناڤبرى دیاركر ژى كو سنج ژى مینا گوهیشك و كه‌زان و به‌رهه‌مێن دى دهێته‌ خوارن و گۆت ژى "مفایه‌كێ زۆر باش د خوارنا به‌رهه‌مێ سنجێ دا هه‌یه‌ و تامه‌كا جودا و جیاواز هه‌یه‌، ب خاڤى دهێته‌ خوارن و ل ده‌مێ چێبونێ دا خه‌لكێ ده‌ڤه‌رێ بێ جوداهى بخوه‌ دچنێ و دخون"

بالندا دكه‌ڤیته‌ سه‌ر رووبارێ زێى مه‌زن، هه‌ردوو ده‌ڤه‌رداریێن مێرگه‌سوور و ئامێدیێ پێكڤه‌ گرێدده‌ت و ئێكه‌ ژ گوندێن چاندنێ.

دهۆك/ نه‌وزاد هلۆرى


وشە - تایبه‌ت

ئه‌م بابه‌ته 103 جار خوێنراوه‌ته‌وه‌‌