ئەنجوومەنی هەناردەكارانی خزمەتگوزاری ئەندازیاری و تەكنیكی ئێران ئاشكرای كرد، 800 ملیۆن دۆلاری كۆمپانیاكانیان لای عێراقە و بە بیانووی جیاواز بۆیان ناگەڕێنرێتەوە.
بەهمەن ساڵحی سكرتێری گشتی ئەنجوومەنی هەناردەكارانی خزمەتگوزاری ئەندازیاری و تەكنیكی، وێڕای ئاشكراكردنی بڕی قەرزەكە، روونی كردووەتەوە پێنەدانی ئەو قەرزانە هیچ پێوەندییەكی بە پرسی سزاكانی ئەمەریكا نییە و تەنیا كراوەتە بیانوو بۆ داخستنی قەرزەكان .
بەگوێرەی
rfi ئێران لەو وڵاتانەیە كە جگە لەو هەژموونی سەربازی و سیاسییەی لە عێراقدا هەیەتی، ژمارەیەكی زۆری كۆمپانیاكانیشی بە تایبەت لە پارێزگاكانی ناوەڕاست و باشووری عێراق لە پڕۆژە جیاجیاكاندا كار دەكەن.
بەشێكی پێوەندی بە كەرتی گشتی و بەشێكیشی پێوەندی بە كەرتی تایبەتییەوە هەیە.
ئەوەی ئەو بەرپرسەی ئێران باسی كردووە، ئەو پارەیە قەرزی كۆمپانیاكانە كە بەشێكی پێوەندی بە كەرتی گشتی و بەشێكیشی پێوەندی بە كەرتی تایبەتییەوە هەیە.
ئێران جگە لەوەی كە بڕێكی زۆر شتومەك هەناردەی عێراق دەكات، بەشێك لە پێداویستییەكانی گاز و كارەباش هەر لە لایەن ئێرانەوە دابین دەكرێت، بەڵام حكوومەتی عێراق نەیتوانیوە پارەی ئەو كارەبایە لە كاتی خۆیدا بدات.
ماوەی رابردوو ئێران و عێراق رێككەوتن تا لە بری بەشێك لەو قەرزە، حكوومەتی عێراق پێكوتەی كۆرۆنا بكڕێت و رادەستی ئێرانی بكات.