ب مەرەما کێمکرنا قەرەبالغێ و جوانکرنا سیمایێ باژێرێ دهۆکێ، دێ ئوڤەرپاسەکا دن ژی ل باژێرێ دهۆکێ ل نێزیک قوتابخانا سەفین هێتە چێکرن.
ئیسماعیل موستەفا، بەرپرسێ راگەهاندنا سەرۆکاتیا باژێرڤانیا دهۆکێ بۆ "وشە" گوت، ب مەرەما زێدەتر گرنگیدان ب سیمایێ دهۆکێ و کێمکرنا قەرەبالغێ و خوشکرنا رێیان، دێ سێیەم ئوڤەرپاس ل دهۆکێ هێتە چێکرن.
زیدەتر گوت، ئوڤەرپاس دێ ل نێزیک قوتابخانا سەفین ل سەر هێلا بارزان پشتی دوماهی هاتنا ئەندەرپاسا نێزیک رکسوس هێتە چێکرن ئانکو پشتی نەورۆزێ دێ دەست ب چێکرنێ هێتەکرن.
ل سەر هێلا بارزان سێ ئەندەرپاس و ئوڤەرپاس ب کوژمێ نێزیکێ73 ملیار دینارڵن دهێنەکرن، بەرێ بناغەی ژلایێ مەسرور بارزانی، سەرۆکێ حوکمەتا هەرێما کوردستانێ هاتیەدانان.
ژێدەرەکێ ژ کومپانیا کاڤین گرووپ کو ئەرکێ چێکرنا ئوڤەرپاسێ ب ستویێ خوڤە گرتیە، گوت، پشتی كار د پرۆژێ یٔەندەرپاسا نێزیك مزگەفتا شەھیدان ل چەند رۆژێن بھێت ب دووماھی دھێت، یٔێكسەر كۆمپانیا كاڤین گرووپ دێ دەست ب دروستكرنا یٔوڤەرپاسا نێزیك قوتابخانا سەفین كەت كو بڕیارە د ماوێ پێنج ھەیڤان دا ب دووماھی بھێت.
کوژمێ 34 ملیار دینار د چێکرنا ئەندرپاسا نێزیک مزگەفتا شەهیدان هاتینە تەرخانکرن، ب تمامکرنا وان پێنج ترافیک دێ رابن.