دهمهكه ههڤژینا وهلاتیهكێ شنگالێ ل كهمپا مام رهشان تووشی نهخۆشیهكا كوژهك بوی و رۆژ بۆ رۆژێ رهوشا وێ خراپتر دبوو، ئهڤ یهك بویه ئهگهر كو ئهو زۆر دلگران ببیت ههتا وی رادهیی ژبهر ئهڤینا خوه ب گولهی ل سهنتهرێ باژێرێ دهۆكێ خوه كوشت.
ب گورهی پێزانینێن "وشه" ئهو وهلاتیه ناڤێ وێ عادل عهلی یه و ل كهمپا مام رهشان ئاكنجیه و چهند سالهكێن كێمه ههڤژینی ل گهل كچهكێ بناڤێ ههنا حسێن پێكئینایی و ب ئهڤینی و دلداری دژیان، بهلێ پاشی ههڤژینا وی تووشی نهخۆشیهكا كوژهك دبیت و دهمهكه دنالیت، نالین و نهخۆشیا وێ بویه ئهگهر كو ههڤژینێ وێ عادل نهشێت خوه بگریت و ژبهر ئهڤین و حهژێكرنا وێ ل دوماهیێ بریار دا كو ل نێزیك نهخۆشخانا كۆرۆنایێ ل سهنتهرێ باژێرێ دهۆكێ خوه بكوژیت و دوماهی ب ژیانا خوه ئینا.
ئهڤرۆ پشتی 48 دهژمێرا ژ خوه كوشتنا عادلی، ههڤژینا وی ژی گیانێ خوه ژ دهست دا و چو بهر دلوڤانیا خودێ.
خوه كوشتن و گیان ژ دهستدانا ههردوو ههڤژینان دلگرانیهكا زۆر ل دهڤ خهلكێ پارێزگهها دهۆكێ دروستكریه و تورێن جڤاكی داگیركرنه، دلگرانن كو ئهوی خوه كوشتی و ههڤینا وی گیانێ خوه ژ دهستدایی و دخواست كو ئهوی گهنجی زێدهتر بهرگریا نهخۆشیا ههڤژینا خوه كربا و بهردهوامی ب ژانێ دابایه.