ب مەرەما خزمەتكرنا وەلاتیان و خومالیكرنا زەیتونان، مەزنترین كارگەها زەیتا زەیتونان ل دەڤەرا سحێلا یا سەر ب دەڤەردارییا زاخۆ هاتە ڤەكرن، ل گەل ڤەکرنا دوو کارگەهێن دی.
گوهدار شێخو، سەرپەرشتێ ئیدارا سەربخوەی یا زاخۆ د چارچوڤێ ڤەكرنا كارگەهێ دا گۆت: (ئەڤرۆ ئەم ل ڤێرە بەرهەڤین ژ بۆ ڤەكرنا كارگەها چێكرنا زەیتا زەیتوونان ل دەڤەرا شنیناڤا ل نێزیك سحێلا یا سەر ب ئیدارا سەربخوەی یا زاخۆ كو جهێ شانازیێ و گرنگیدانێ یە و دێ خزمەتەكا باش بۆ جوتیار و خەلكێ دەڤەرێ كەت و چەندان دەلیڤێن كاری پەیدا كەت).
كو ژلایێ كومپانیا یوبی هولدینگ ڤە هاتیە بجهگرن
زێدەتر گۆت: (ژبلی كارگەها زەیتا زەیتونان، هەڤدەم پرۆژێ ئاڤا ساخلەمیێ بۆ كارگەهێ و پرۆژێ بەرهەمئینانا ئەمبولێ یا پلاستكی یا بوتلان ژی وەکو دوو کارگەهێن نوو هاتە ڤەكرن، كو ژلایێ كومپانیا یوبی هولدینگ ڤە هاتیە بجهگرن، ب گورەی شیان وەكو كارگێریا سەربخوەی یا زاخۆ دێ پشتەڤانیا ڤەكرنا ڤان جورە پرۆژان كەین داكو زورترین كەس مفاداربن.
كارگەها ناڤبری هەر ئەڤرۆ كەفتە كاری و رۆژانە دێ چەندان تەنێن زەیتا زەیتونان بەرهەمئینیت ، زەیتون دێ هەر ل كێلگەهێن سنورێ پارێزگەها دهۆكێ بۆ كارگەهێ هێنە دابینكرن و كارەكێ هەری گرنگە بۆ خومالیكرنا زەیتونا خومالی ل كوردستان و دەڤەرێ.