پشتی كو چەند رۆژێن بوری داواكارێ گشتی ل دادگەها دهۆكێ سكالا ل سەر جهەتێن خوارنا خراپ دایە قوتابیێن كولیژا زانست ل زانكۆیا دهۆكێ، ئەڤرۆ ب بریارا دادوەرێ ڤەكۆلینێ خودانێ كافیتریایێ هاتە گرتن.
نوكە ل چاكسازیا زركا وەكو راگرتی یە
پارێزەر بهادین دەشتانی، ئێك ژ پارێزەرێن كو دوڤچونا كەیسێ كری تایبەت بۆ "وشە" گوت، پشتی كو داواكارێ گشتی ل دادگەها دهۆكێ سكالا ل دژی وان جهەتێن كو خوارنا خراپ دایە قوتابیێن كولیژا زانست ل زانكۆیا دهۆكێ و چەندین قوتابی پێ نەخوش بوی، ئەڤرۆ دادوەرێ ڤەكولینێ بریارا گرتنا وی دا و نوكە ل چاكسازیا زركا وەكو راگرتی یە.
زێدەتر گوت، پشتی كو چەند كەلوپەلێن كافیتریایێ بۆ پشكنینێ هاتینە رەوانەكرن و د ئەنجام دا دیاربوی كو خەمساری هەبویە، لەوا دادوەرێ ڤەكولینێ بریارا گرتنا وی دەركر و كەیس ژی یا بەردەوامە.
دهێتە زانین كو چەند روژێن بوری كافیتریایەكا كولیژا زانست ل زانكۆیا دهۆكێ خارنا خراپ بوی دایە قوتابیان، د ئەنجام دا نێزیكێ 100 قوتابی نەخوشبوون، ژ وانان نێزیكێ 80ێ قوتابی بۆ ساخلەمیا دهۆكێ هاتنە رەوانەكرن و چارەسەركرن.