بەرەبەیانی ئەمڕۆ چەكدارانی داعش لە ناوچەی عوزێم هێرشیانكردە سەر سوپای عێراق، بە گوێرەی ئامارە سەرەتاییەكان، 11 سەرباز و ئەفسەرێك كوژراون.
ئەمڕۆ هەینی 21ـی كانوونی دووەم، پێگەی شەفەق نیوز، بەرەبەیانی ئەمڕۆ چەكدارانی داعش لە ناوچەی عوزێم هێرشیانكردە سەر سوپای عێراق، بە گوێرەی ئامارە سەرەتاییەكان، 11 سەرباز و ئەفسەرێك كوژراون .
باس لەوەش كراوە، هێرشەكە لە رۆژئاوای شارەدێی عوزێم لە نێوانی گوندی تاڵعە و ئووم كەرامی سەر بە پارێزگای دیالە بوو، هەروەها داعش هێرشیكردوەتە سەر فەوجی یەكی لیوای دووی سەر بە سوپای عێراق.
ئاماژە بەوەش كراوە، بەهۆی ئەم هێرشەی چەكدارانی داعش 11 سەرباز و ئەفسەرێك كوژران و ژمارەیەك سەربازیش بریندار بوون، تەرمی كوژراوان بەرەو نەخۆشخانەی خاڵس گوازرانەوە، هەروەها هێزی پشتیوانی سەر بە سوپای عێراقی گەیشتووەتە ناوچەكە.
ئەو هێرشە لە كاتێكە ئێستە دۆخی تەناهی عێراق بە تەواوی شڵەژاوە و لە ماوەی چەند ڕۆژی ڕابردوو بە دەیان كردەی تیرۆرستی لە سنووری بەغدا ڕووی داوە.