دەرهێنەری بەتوانا هونەرمەند ئەرسەلان دەروێش، گەورەترین شاكاری شانۆی دنیا بۆ یەكەمین جار لە هەولێری پایتەخت، بەسپۆنسەری دەزگای رۆشنبیریی زانكۆكانی جیهان نمایش دەكات.
كارە هونەرییەكانی ئەو شانۆیە لەلایەن چەندان شانۆكار و بەرهەمهێنەرانی هونەری كاری تێدا كراوە، ئەو كەسانە بریتین لە ئەندازیار بورهان سابیر ـ بەڕێوەبەری بەرهەم، دانا محەمەد ـ یاریدەدەری دەرهێنەر و جێبەجێكردنی هونەری، بەدر سنجاری ـ پێوەندییەكان، زیاد كەریم ـ ڕاگەیاندن، كارزان كەمال ـ جێبەجێكاری هونەری، تریفە كەریمییان ـ دەنگبێژی، ئەمین فەقیرـ تۆماركردنی موزیك، محەمەد مەرزانی ـ وێنەگرتن و مۆنتاج، زانیار خۆشناوـ رێكلام، سەرهەنگ غەریب ـ لیژنەی بەرهەم، پشكۆ شێخ عەلی، كارمەند خدر، ریشوان ئەحمەد ـ رووناكی، لەگەڵ چەند هونەرمەندێكی تر.
شانۆگەریی هاملێت بە مەزنترین دەقی نووسەری ئینگلیزی بلیمەت "ولیام شكسپیر" دێتە ژمار و لە دوای چوار سەدە لە نووسینی، بەهەزاران جار لەسەر شانۆی وڵاتانی دنیا بەدیدگاە و ستایل و فۆرمی جیاواز نمایش كراوە.
شایانی باسە نمایشەكە بەهاوكاریی بەڕێوەبەرایەتیی چالاكی قوتابخانەكانی هەولێر، لە كۆتایی ئەم مانگەدا پێشكەش دەكرێت.
هەولێر/ فەیسەڵ شێخانی