مه‌سروور بارزانی سه‌رۆك وه‌زیرانی كوردستان له‌گه‌ڵ لوكاس گه‌سه‌ر باڵوێزی سویسرا له عێراق و ئوردن كۆبووه‌وه كه به‌بۆنه‌ی كۆتاییهاتنی ئه‌ركه‌كانی سه‌ردانی كردبوو.
ئه‌مڕۆ سێشه‌م 17ی ئایار، له كۆبوونه‌وه‌كه‌دا گفتوگۆ له‌باره‌ی دۆخی گشتی عێراق و هه‌وڵه‌كانی پێكهێنانی حكوومه‌تی نوێی عێراق و په‌ره‌پێدانی پێوه‌ندییه‌كانی نێوان هه‌رێمی كوردستان و سویسرا كرا.
مه‌سروور بارزانی سه‌رۆك وه‌زیرانی كوردستان، بڵاوی كردووه‌ته‌وه كه سوپاسی باڵوێزی سویسرای كردووه بۆ هه‌وڵ و كاره‌كانی له پێناو بره‌ودان به پێوه‌ندییه‌كانی وڵاته‌كه‌ی له‌گه‌ڵ عێراق و هه‌رێمی كوردستان.