ب مەرەما جوانکرنا سەر و سیمایێ باژێری و پاراستنا ژینگەهێ و زێدەکرنا رێژا کەسکاتی، پارکەکا نوو ل باژێرێ زاخۆ هاتە ڤەکرن و کەفتە د خزمەتا وەلاتیان دا.
وەلات سندی، سەرۆکێ باژێرڤانیا زاخۆ بۆ "وشە" گوت، ب مەرەما زێدەکرنا رێژا کەسکاتی جوانکرنا سەر و سیمایێ باژێرێ زاخۆ، نووترین پارک ل سەنتەرێ باژێرێ زاخۆ هاتە ڤەکرن.
زێدەتر گوت، پارک ل سەر رووبەرێ پتری سێ هزار مەترێن چوار گوشە هاتیە چێکرن، ل سەر بودجا پێشینا هەیڤانە یا باژێرڤانیا زاخۆ هاتیە چێکرن، د نوکە دا وەلاتی دشێن بۆ بوراندنا دەمەکێ خوش بکاربینن و چەندین جهێن گوزاری و پارک و باخچە و داروبار و کەسکاتی تێدا هاتیە چێکرن، وەکو باژێرڤانی دێ ل سەر خزمەتکرنا وەلاتیان و جوانکرنا سەر وسیمایێ باژێری و زێدەکرنا رێژا کەسکاتی بەردوام بین.
ل زاخۆ پتری 50 پارک و باخچەیێن جودا هاتینە چێکرن و پلان هەیە چەندین پارک و باخچەیێن دی بهێنە چێکرن ب تایبەتی ل دەردورێن پرا دەلال.