هژمارهك ژ خودانكارێن دهورۆبهرێ سكرێ زاویته كو ل سهر جاددا سهرهكى بازار داناینه، گلهیى ل وێ یهكێ ههیه كو ئالیێن شولهژێ ناهێلن كار بكهن و جهێن خوه نهان بكهن بو وێ یهكێ ژ گەرما هاڤین و سهرما زڤستانێ بهێنه پاراستن.
كوڤان دوسكى، ئێك ژ وان خودانكارایه بۆ "وشە" گۆت، ئهڤه چهندین ساله ل سهر جاددا سهرهكى یا زاویته بۆ دهۆكێ ب رهخ سكرێ زاویته مه بازاڕێن سهرپێ و دهمكى بخوه داناینه، بهلێ دنوكه دا ئالیێن شولهژێ دخوازن بازاڕێن مه بهێنه راكرن، ئهڤێ یهكێ ئهم دلگران كرینه ژبهركو ژیانا مه گرێداى ڤان بازاڕایه و دخوازین كو بهردهوام بین.
وهلید خالد، ئێكێ دن ژ وان خودان بازاڕایه بۆ "وشە" گۆت، ئهم نێزیكێ 20 بازاڕان ل دهورۆبهرێن سكرێ زاویته كار دكهین، بو وێ یهكێ ژیانا خوه یا رۆژانه پێ ببورینین، نوكه كو وهرزێ هاڤینێ یه و گەرمە و وەکو پێدڤی نەشێن خزمەتا وەلاتیان بکەین، زێدەباری کو وەرزێ زڤستانێ ژی بازارێن مه تهر دبن و باران دهێته دناڤ دا، ئهگهر رێ بدهن دێ ههمویێ نهان كهین ههند داكو بازارێن مه بهێنه پاراستن ههند ژى خهلك بشێت بهێته دهڤ مه و روونن خوارێ، مه چهندین جاران ژى داخواز ل جهێن شولهژێ كریه بهلێ چوو بهرسڤ نینن و ههر دبێژن دڤێت بهێنه راكرن.
زێدەتر گوت، چوو جوداهى دناڤبهرا بازارێن دهوروبهرێن سكرێ زاویته و چیایێ زاوا نینه، رێ ب وان هاتیهدان كو ئهو بازارێن خوه دروست بكهن و باران و گهرم كارتێكرنێ ل كارێ وان نهكهت، بهلێ ب چوو ئاواى ناهێلن ئهم بازارێن خوه نهان بكهین و باران و تیشكا رۆژێ كارتێكرنێ ل كارێ مه نهكهن، دخوازین كو ئهم ژى ل ڤێره كار بكهین ژبهركو هژمارهكا زور یا خێزانان ل سهر ڤان بازاران دژین و بازار ژى ههر دداناینه تنێ ناهێلن نهان بكهین.
هوزان كوچهر، سهرۆكێ باژێرڤانیا زاویته دیاركر كو بازارێن دكهڤنه دهورۆبهرێن سكرێ زاویته ب دهمكى هاتینه دانان و بۆ "وشە" گۆت، بهرى نوكه مولهت ژلایێ ناحیا زاویته بۆ وان هاتبویه دانان و كاردكر، بهلێ دنوكه دا ئهو بویه ئهردێ باژێرڤانیێ و وهكو بهرێ نهمایه و ژ روویێ پلانسازى ڤه رێگریێ ل بهردهوامبوونا كارێ وان دكهت، زور گازنده ژ ئالیێ رێڤهبهریێن پهیوهندیدار بۆ مه دهێن وهكو هاتن و چون و دارستان، ئهم ب چوو ئاواى ژى نهشێن گرێبهستا ل گهل خودانكار و بازاران ئهنجام بدهین، لهوا د نوكه دا شیان نینه رێ ب وان بدهین كو بهردهوامیێ ب كارێ خوه بدهن یان ژى نوژهن و نهان بكهن.
زێدهتر گۆت، هژمارا وان نێزیكێ 20 كهسایه و ههتا نوكه مه وهكو باژێرڤانى نهشیایه پێرابوونێن توند بگرینهبهر ههر ژبهر هندێ یه كو ژیانا وان یا كارى ل سهر وان بازارایه، ئهم دێ لژنهكێ پێكئینین كو ژ دام و دهزگههێن پهیوهندیدار پێكبهێت و بریارا ئێكلاكهر ل بارا وان بازاران بدهین.