ئەڤرۆ د رێورسمەکێ دا خێرخوازەکێ کوژمەکێ پارەیی لسەر قوتابیێن پولا 12ێ ئامادەیی یێن سنورێ پەروەردا شنگالێ دابەشکرن داکو هەند ل پشکێن نافخوەی و کریا هاتن و چونێ ب مەرێخن.
ئەحمەد زوبێر، بەرپرسێ راگەهاندنا رێڤەبەریا گشتی یا پەروەردا پارێزگەها دهۆکێ بۆ "وشە" گوت، ئەڤرۆ ب خوشحالیڤە د رێورسمەکێ دا ب ئامادەبوونا هژمایەکا سازیێن حوکمی وحزبی، خێرخوازەکێ کوژەمەکێ پارەیی وەکو هاریکارییەکا ماددی ل سەر هەمو قوتابیێن پولا 12ێ ئامادەیی یێن پەروەردا شنگالێ دابەشکرن.
زێدەتر گۆت، ئەڤ کوژمێ پارەی وەکو هاریکارییە داکو ئەو قوتابی بشێن ل پشکێن نافخوەیی و هاتن و چونێ ب مەزێخن، هژمارا وان قوتابیان ژی 667 قوتابی بون ل دەڤەرێن جودایێن سەر ب دەڤەردارییا شنگالێ.
ناڤبری دیارکر ژی کو هەموو ئەڤ قوتابییە دێ ل دەڤەرێن پارێزگەها دهۆکێ ئەزموونێن خوە ئەنجام دەن وگوت ژی، دەمێ دوو سالایە سەروكێ حوكمەتا هەرێما كوردستانێ هاریكاریێن مادى ل سەر قوتابیێن قوناغا 12 ئامادەیى یێن شنگالێ دابەش دکەت و چاڤەریە ل ڤان روژان هاریكارییەكا دى ژلایێ سەروكێ حوكمەتا هەرێما كوردستانێ لسەر قوتابیێن ئەڤ سالە یێن قوناغا 12 ئامادەیى یێن پەروەردا شنگال بهێتە كرن .
دەمێ چەند سالایە ژبەر ئالوزیێن سیاسی و ئابووری و خزمەتگۆزاری، قوتابیێن دەڤەرا شنگالێ ئەزموونێن خوە ل پارێزگەها دهۆکێ ئەنجام ددەن.