ب مەرەما خزمەتکرنا گەنجان و ب رێڤەبرنا کاروبارێن شوفێرا و کەرتێ هاتن و چونێ، رێڤەبەریا گشتی یا هاتن وچونا پارێزگەها دهۆکێ دەست ب دامەزراندنێ کر.
ئازاد تەها، بەرپرسێ راگەهاندنا هاتن و چونا پارێزگەها دهۆکێ گوت، وەکو خزمەت بو گەنجان و بوارێ هاتن وچونێ، رێڤەبەرییا گشتی یا هاتن و چونێ ل پارێزگەها دهۆکێ دێ هژمارەکا گرێبەستان وەرگریت، دیڤ نڤیسارا وەزارەتا دارایی یا حوکمەتا هەرێما کوردستانێ.
زێدەترگوت، ئەڤ گرێبەستە لدیف مەرجێن دیارکریە و ھەر کەسێ بڤێت بلا داخوازا خوە پێشکێشی رێڤەبەریێ بکەت ل کومەلگەها دومیز و هەموو بەلگەنامێن پێدڤی ل گەل خوە بینن.
ناڤبری دیارکر ژی کو گرێبەست دێ ب شێوازێ کریا روژانە بیت و گوت ژی، 9 کەس بۆ شوفێریا کرێ، دوو شوفێر بو ترومبێلا بویاغکرنێ، شەش کەس بو کاروبارێن بویاغکرنێ، 10 کەس ژی بو کارگەها تابلو و لێدانا وان، هندەک ژ وان کارەندان پێدڤی ب مولەتا شوفێری یا گشتی و دەرچونا پشکا پێشەسازی یە، شوفێریا کرێ پێدڤی مولەتا گشتی هەبیت و شوفێرێ بویاغێ ژبلی ملەتا گشتی دڤێت دەرچویێ پێشەسازی بیت، کارمەندێن بویاغێ ژی باوەرناما ئامادەیی هەبیت.