ئەڤرۆ سپێدێ دەست ب هەلدانا گورەکێ دن یێ ب کوم ل گوندێ قنێ یا سەر ب دەڤەدارییا شنگالێ هاتەکرن کو روفاتێن نێزیکێ 100 کەسان تێدا هەنە.
دچارچوڤێ پروسا هەلدانا گورێن ب کوم یێن کومکوژی و جینوسایدا کوردێن ئێزدی ل دەڤەرێن جودایێن شنگالێ، ئەڤرۆ سپێدێ رێورسمەکێ تایبەت یێ هەلدانا گورەکێ ب کوم ل گوندێ قنێ ب ئامادەبوونا کەسوکارێن روفاتکریان ب رێڤەچو.
بەختیار قادر، ئێک ژ چالاکڤانێن ئێزدی یە ل دەڤەرێ دیارکر کو ئەڤرۆ سپێدێ د رێورسمەکێ دا دەست ب هەلدانا گورەکێ ب کوم ل گوندێ قنێ یا سەر ب شنگالێ هاتەکرن و گوت، هژمارەکا زۆر یا روفاتان د وی گورێ ب کوم دایە و پشتی هەلدانێ دێ هژمارا وان دیار بیت.
هەلدانا گورا ژلایێ دەگەهێ شەهیدان ل عیراقێ هەڤکاری ل گەل رێڤەبەریا کاربارێن هەلدانا گورێن ب کوم دهێتە ئەنجامدان، ئەڤ گورە روفاتێن نێزیکێ 100 کەسان ژ خەلکێ گوندێ قنێ بخوڤە دگرن و پێکدهێن ژ ژن و مێر و زاروکان.
گوندێ قنێ دکەڤیتە باکورێ شنگالێ و ئێکە ژ وان گوندێن کو ل سالا 2014ێ کەفتیە بەر هەوا تیرورستێن داعشێ و کومکوژی و وێرانکاری تێدا هاتیەکرن، پشکەکا هەری زۆر یا خەلکێ گوندێ ناڤبری ئاوارەیێ سنورێ پارێزگەها دهۆکێ بوینە.