ئیڤانكا ترەمپی كچی سەرۆكی ئەمەریكا، رای گەیاند كە لە كۆشی سپی وەك ڕاوێژكاری باوكی بێ هیچ پاداشت و مووچەیەك كار دەكات.
ئیڤانكا، ئەوەی ئاشكرا كردووە كە بەبێ هیچ مووچە و پادداشتێك، ئێستە فەرمانبەری كۆشكی سپییە، ڕاوێژكاری نافەرمیی سەرۆكە و پێگیری بە رێساكانی كۆشكەوە دەكات.
ئیڤانكا، ئەو روونكردنەوەیەی بەو هۆیە راگەیاندووە، تا ترسی گورزبەركەوتنی بەرژەوەندییەكانی كەم بكاتەوە، كە لەوانەیە بە هۆی كارەكەی پێی بكەوێت.
ئەوەیشی روونكردووەتەوە كە وابەستەی هەموو ئیتیك و پێبەندییەكی كارە لە كۆشكی سپی، هەمان ئەو بنەما و ڕێسایانە پێڕەو دەكات كە فەرمانبەرانی تر پێوەی وابەستەن، بەڵام جیاوازیی ئەو، ئەوەیە كە بێ بەرانبەر ئەو كارە دەكات.