دواى ده‌نگدانه‌وى زۆرى تویژه‌ران و هاووڵاتیان له تۆڕه كۆمه‌ڵایه‌تیییه‌كان مامۆستایەكی زانكۆ لە هەرێمی كوردستان رایدەگەیەنێت ، چوار په رلەمانتار كە گوزارشت لە چوار فراكسیۆنی سەرەكی ناو پارلەمان دەكەن ( گۆڕان و یەكێتیی و كۆمەڵ و یەكگرتوو) ، نامەیەكی پر لە هەڵە و كەمو كورتی ئاراستەی سەرۆكایەتی پەرلەمانی ئەوروپا دەكەن .
بەوتەی هاورێ حەسەن حەمە ، مامۆستای زانكۆ ، " ئەو نامەیە كە واژووى ئەو چوار پەرلەمانتارەی لەسەرە، چەندین هەڵەی شەرمەزار كەری تێدایە كە لەڕووی دیبلۆماسیەوە ئەگەری زۆرە كاریگه‌ری خراپی هه‌بێت له‌سه‌ر ناوه‌ڕۆكی په‌یامه‌كه.
لەو هەڵانەی كە لە نامەكەدا هەیە:
1- لایەنەكانی نامەكە هێشتا هیچ شتێكیان نەنوسیوە و هیچ داواكارییەكیان لە لایەنی بەرامبەر نەكردووە هیوای بەختێكی باش و باشی بۆ لایەنی بەرامبەر دەخوازن كە ئەمە پێویستە لەكۆتایی نامەكەوە بێت.
2- تەواوی نامەكە نامەیەكی تایپ كراوە بەڵام لەسەری سەرەوە كە نوسراوە بۆ : نامەكە بە قەڵەمی جافی شین نوسراوە بۆ سەرۆكایەتی پەرلەمانی ئەوروپا كە هەم وشەی ئەوروپا هەڵە نوسراوەو هەمیش وشەی سەرۆكایەتی ، وشەی سەرۆكایەتی پەرلەمانی ئەوروپا بەقەڵەمی جافی شین نوسراوە و بەمەش جیاوازە لە تەواوی نوسینی نامەكە.
3- نامەكە چەندین هەڵەی تایپی تێدایە كە مایكرۆسۆفت ۆرد خۆی ئەو هەڵانە دیاری دەكات و وشە هەڵەكە سوور دەبێت بەڵام نازانم ئەو برادەرانە بۆ نەپەرژاونەتە سەر ئەو هەڵانە چاكی بكەن.
4- نامە كە هەڵەی گرامەری زۆری تێدایە و ئینگلیزیەكی ڕەكیكە پێویستی بە پێداچوونەوە هەیە.
5- نامەكە وا دیارە پێشتر بە كوردی نوسراوە و هەمان تەعبیری كوردی بە شێوەی حەرفی وەرگێڕاوەتە سەر زمانی ئینگلیزی.
بۆنمونە سەیری ئەم دێڕەی كۆتایی بكەن كە من شتی وام لە ئینگلیزیدا نەبینیووە:
we are sure that you will do your possible best efforts to support us in the above main points:
6- لەپێش ناوی ئەو چوار پەرلەمانتارە دەبوو بنوسرایە (Yours sincerely) یان (Yours faithfully ) بەڵام هیچ تەعبیرێكی لەو شێوەیەی تێدانیە.