وه‌زاره‌تى دارایى و ئابوورى حكوومه‌تى هه‌رێمى كوردستان له‌باره‌ى باج و گومرگ له هاووڵاتیان و بازرگان و كۆمپانیاكان رێنوێنى نوێى ده‌ركرد.
به‌پێى نوسراوێكى وه‌زاره‌تى دارایى و ئابوورى حكوومه‌تى هه‌رێمى كوردستان كه ئاراسته‌ى به‌رێوه‌به‌رێتى گشتى گومرگ و باجه‌كان و بانكه بازرگانییه‌كان كراوه ئاماژه به‌وه‌كراوه كه پێویسته كار به‌وه بكرێت بۆ هه‌ر مامه‌ڵه‌یه‌ك رێژه‌ى 100% ى باجه‌كان به كاش وه‌ربگیرێت.
له نوسراوه‌كه‌دا ئاماژه به‌وه‌كراوه، هاوكات گشتاندنى ژماره 17ى ساڵى 2016 كه تایبه‌ته به وه‌رگرتنى باج و رسوومات له كۆمپانیا و هاووڵاتیان و شوێنه بازرگانییه‌كان وه‌ك خۆى كارى پێده‌كرێت.
له‌كۆتاى نوسراوه‌كه‌شدا راگه‌یه‌نراوه كه ئه‌و بڕیاره له 1/6/2017 ه‌وه كارى پێ ده‌كرێت.
ئه‌وه له‌كاتێكدایه كه حكوومه‌تى هه‌رێمى كوردستان تا ئێسته له‌وه‌رگرتنى باج و رسوومات له‌كاتى مامه‌ڵه‌ى هاووڵاتیان و له شوێنه بازرگانى و كۆمپانیاكان به‌رده‌وامه و زۆرجار به‌شێك له‌و باجانه له‌لایه‌ن شوێنه بازرگانییه‌كان دواده‌خرێت.
ده‌قى نوسراوه‌كه: