دوایین زانیاری لەسەر گرێبەستەكەی كۆتینیو لەگەڵ بەرشەلۆنە
تادێت یانەی بەرشەلۆنەی ئیسپانی لە راگەیاندنی گرێبەستی ئەستێرەی هێڵی ناوەڕاستی بەڕازیلی فیلیپ كۆتینیو لە یانەی لێڤەرپوولی ئینگلیزی نزیكتر دەبێتەوە.
رۆژنامەی (سپۆڕت)ی كەتەلۆنی بڵاوی كردەوە: كۆتینیو دوێنێ دوێنێ دووشەم گەشتی بەرەو شاری ریۆ دی جانیرۆ كردووە بۆ ئەوەی لەگەڵ هەڵبژاردەی بەڕازیل دەست بە مەشق و راهێنانەكان بكات بۆ یارییەكانی پاڵاوتنی گەیشتن بە مۆندیالی 2018ی رووسیا.
لە كاتی گەیشتنی كۆتینیو بۆ شاری ریۆ دی جانیرۆ سەردانی دكتۆر سیمۆنی پزیشكی تایبەتی وەرزشی كردووە و پشكنینی وردی پزیشكی بۆ یانەی بەرشەلۆنە ئەنجامداوە تا لە كاتی رێككەوتنی كۆتایی سەرجەم كارەكانی تەواو و ئامادەبێت.
رۆژنامەكە ئاماژەی بەوەشدا كە كۆتینیو بڕیاریداوە جارێكی تر نەگەڕێتەوە ئینگلتەڕا و بەر لە تەواوبوونی ماوەی گواستنەوەی هاوینە بەیەكجاری وێستگەی خۆی بۆ یاریگەی كامپ نوو لە شاری بەرشەلۆنە بگۆڕێ.
بەگوێرەی زانیارییە رۆژنامەوانییەكان گرێبەستەكەی كۆتینیو لەسەر یانەی بەرشەلۆنە 150 ملیۆن یۆرۆ كەوتووە و بەر لە رۆژی پێنجشەم كە دوایین رۆژی ماوەی گواستنەوەی یاریزانانە یانەی بەرشەلۆنە بەفەرمی گرێبەستەكە رادەگەیەنێ.
وشە -
ئامانج ئه‌كره‌م