زۆر جار كاتێك ئوتووی جلوبه‌رگ به‌كار دێنین، ده‌بینین چه‌ند ورده كلسێك دێته ده‌ره‌وه له كونیله‌كانی هه‌وای ئوتووه‌كه، ئه‌مه‌ش ده‌گه‌ڕێته‌وه بۆ به‌كارهێنانی ئوتووه‌كه بۆ چه‌ند جلوبه‌رگێكی ڕه‌نگاوڕه‌نگ، یان هێشتنه‌وه‌ی ئاو له‌ناویدا و ئه‌و كلسه‌ی دروست كردووه.
بۆ ئه‌وه‌ی ڕزگارت بێت له پیسبوونی جله‌كانت به‌هۆی ئه‌و كلسه‌وه، به باشترین ڕێ پاكی بكه‌یته‌وه، ئه‌م هانگاوانه جێبه‌جێ بكه:
- كه‌مێك سركه و بایكرۆبۆناتی سۆده تێكه‌ڵ به‌یه‌ك بكه.
- پارچه‌یه‌ك قوماشی خامی سپی بهێنه به‌و گیراوه‌یه ته‌ڕی بكه، دواتر ئوتووه‌كه‌ت گه‌رم بكه و پێیدا بهێنه تا ته‌واوه‌تی پاك ده‌بێته‌وه.
- ئه‌گه‌ر هه‌ستت كرد له نێوانی ئاسنی ئوتووه‌كه‌دا هه‌ندێك كلس به‌جێ ماوه، به گوێپاككه‌ره‌وه و گیراوه‌كه خاوێنی بكه‌وه.
- كه‌لوپه‌لی مه‌ترسیداری وه‌ك چه‌قۆ و مقه‌ست به‌كار مه‌هێنه، بۆ ئه‌وه‌ی ئوتووه‌كه نه‌ڕووشێنیت، چونكه ئه‌گه‌ر به‌ده‌ستیشته‌وه كون ببێت، دووباره به‌كار نایه‌ته‌وه.
- شوێنی هه‌ڵگری ئاوه‌كه جوان بشۆ، دواتر پڕی بكه له سركه، ئینجا بیكه شوێنی خۆی و ئوتووه‌كه داگیرسێنه، بۆ ماوه‌ی چوار خوله‌ك به‌جێی بهێڵه تا سركه‌كه بكات به هه‌ڵم و پاك بێته‌وه.
- دوو سێ جار ئه‌م كاره دووباره بكه‌وه، به‌ڵام ته‌نیا به ئاوی خاوێن بۆ ئه‌وه‌ی به ته‌واوه‌تی له بۆن و ده‌رمانی سركه‌كه پاك بێته‌وه، ئاماده ده‌بێته‌وه بۆ به‌كارهێنان.