له‌میانەی سه‌ردانه‌كه‌ی بۆ چین، له 48 سه‌عاتى ڕابردوودا، دواى ئه‌وه‌ى خانمی یه‌كه‌می ویلایه‌ته یه‌كگرتووه‌كانی ئه‌مەریكا جلوبه‌رگی كولتووری چینی پۆشی، بووه‌ته جێى باسى میدیا جیهانییه‌كان و به بایه‌خه‌وه باسى ئه‌و هه‌نگاوه‌ى خانمى یه‌كه‌مى ئه‌مه‌ریكا ده‌كه‌ن.
شه‌وی هه‌ینی ڕۆژى 10 ى تشرینى دووه‌م، میلانیا تڕه‌مپ خانمی یه‌كه‌می ویلایه‌ته یه‌كگرتووه‌كانی ئه‌مەریكا له‌كاتی نانخواردنی ئێواره‌دا له‌گه‌ڵ هاوسه‌ری سه‌رۆكی چین به جلوبه‌رگی كولتووری چینییه‌وه ده‌ركه‌وت.
میلانیا تڕه‌مپ، كچه نمایشكارێكی جلوبه‌رگ و خانمێكی شۆخوشه‌نگی وڵاتی سلۆڤینیا بوو، پێش ئه‌وه‌ی ته‌ڕەمپی سه‌رمایه‌دار بیخوازێ و ببێته هاوسه‌ری سێیه‌می، ئێسته كه خانمی یه‌كه‌می ئه‌مه‌ریكایه، بۆ خه‌ڵكی سلۆڤینیا بووه‌ته جێی شانازی.