به‌ ڤیدیۆ.. شاری به‌شێكى کلیپه‌ نوێیه‌كه‌ى بڵاو كرده‌وه‌

هونەرمەندی لاوی شارى سلێمانى "شاری هێرش"، له‌ پێگه‌ى تایبه‌تى خۆى له‌ تۆڕى كۆمه‌ڵایه‌تى ئینستاگرام وه‌ك ڕێكلامكردنێك بۆ به‌رهه‌مه‌ نوێیه‌كه‌ى به‌ شێك له‌ كلیپه‌كه‌ى به‌ شێوه‌ى تره‌یله‌ر بڵاو كرده‌وه‌ و ده‌نگدانه‌وه‌ى له‌ ناوه‌نده‌ هونه‌رییه‌كان دروست كردووه‌.

کلیپه‌كه‌ى هونه‌رمه‌ند شارى کارێکی نوێیە بەناوی "دوای تۆ" و بڕیاره‌ بەمزووانە بڵاوى بكاته‌وه‌، دەربارەی ئەم بەرهەمە نوێیەی شاری هێرش له‌ پێگه‌ى تایبه‌تى خۆى له‌ تۆڕى كۆمه‌ڵایه‌تى ئینستاگرام ئاماژه‌ى پێ كردووه‌ نووسیویه‌تى: "ئەم گۆرانییە ئاوازی عەلی شەریف زادەیە، کاری موزیکی لە ئێران بۆ کراوە و تێکستی لەلایەن خۆى و سۆران جاف نووسراوە، هاوکات کلیپەکەی ده‌رهێنانى له‌لایه‌ن هەردی سەلامی ئەنجام دراوە".

بڕیارە لە داهاتوودا بەرهەمێکی نوێ کە لەلایەن هەردی سەلامیەوە ئاواز و تێکستی بۆ دانراوە بڵاو بکاتەوە، بەڵام هیچ ئامادەکاریەک بۆ ئەلبوومه‌كه‌ ناکات لە ئێسته‌ و هیچ شتێكى ترى له‌سه‌ر نه‌دركاندووه‌.

شاری هێرش هونه‌رمه‌ندێكى لاوى شارى سلێمانییه‌، لەدایکبووی ساڵى 1994، دەرچووی کۆلێژی هونەرە جوانەکانە و ساڵانێکە دەستی بە کاری هونەری کردووە، "یادى تۆ" كۆتا به‌رهه‌مى ئه‌و هونه‌رمه‌ند بوو كه‌ زۆرترین بینه‌رى له‌ یوتوب تۆمار كرد.



وشە - محەمەد میران


AM:08:48:09/03/2018




ئه‌م بابه‌ته 361 جار خوێنراوه‌ته‌وه‌‌