پێشمەرگە لە وەزارەتی دارایی نیگەرانن
بەهۆی دواخستنی دابەشكردنی مووچەكانیان لەلایەن وەزارەتی دارایی و ئابووری حكوومەتی هەرێمی كوردستانەوە، پێشمەرگە نیگەرانی خۆیان دەردەبڕن و داوا دەكەن پێش هاتنی جەژن مووچەكانیان پێ بدرێت.
دوێنی وەزارەتی دارایی و ئابووری حكوومەتی هەرێمی كوردستان خشتەی مووچەی فەرمانبەرانی ڕاگەیاند، بەڵام لەناو خشتەكەدا وادەی دابەشكردنی مووچەی وەزارەتی پێشمەرگە دیاری نەكرابوو ئەوەیش نیگەرانی لێ كەوتەوە.
لەتۆڕە كۆمەڵایەتییەكاندا پێشمەرگە هاشتاگی " كوا مووچەی پێشمەرگە بۆ جەژن"یان ڕاگەیاندووە و داوا دەكەن مووچەكانیان بەر لە هاتنی جەژن وەربگرن.
شوان عەلی پێشمەرگەیەكی كوردستانە و بە "وشە"ی ڕاگەیاند، پێشتر كە شەڕ هەبوو وەزارەتی پێشمەرگە پێش هەموو وەزارەتەكانی تر مووچەی وەردەگرت، بەڵام ئێستە خراوەتە كۆتا وەزارەت لە خشتەی دابەشكردنی مووچە.
ئەو پێشمەرگەیە نیگەرانە لەو كارەی وەزارەتی دارایی و ئابووری و داوا دەكات پێشمەرگەیش هاوشێوەی وەزارەتەكانی تر مووچە وەربگرن.
وشە -
سه‌رخێڵ هاشم