بەگوێرەی ئەوەی خەیار بڕێکی زۆر ئاوی تێدایە چەندان سوودی هەیە بۆ جەستە و لە چەندان نەخۆشی مەترسیدار دەتپارێزێت.
بەپێی هەواڵێک کە لە ماڵپەڕی "
organicfacts" دا بڵاو کراوەتەوە و باس لە سوودەکانی خواردنی خەیار دەکات و دەڵێت، توێژینەوە زانستییەکان ئەوەیان سەلماندووە کە خەیار باشترین خۆراکە بۆ جەستە ئەمەیش دەگەڕێتەوە بۆ بوونی ڕێژەیەکی زۆر ئاو و مادە ڕیشاڵییەکان و فۆلیک ئەسید و ڤیتامینەکانی "A و C" لەناو خەیاردا کە ئەم سوودانەی هەیە بۆ جەستە:
یەکەم – لە وشکبوونەوە و بەردی گورچیلەکان دەتانپارێزێت: وەک پزیشکان ڕوونکردنەوەیان لەسەر داوە خەیار بە چارەسەرێکی باش دادەنرێت بۆ نەهێشتن و لەناوبردنی بەردی گورچیلە، هەروەها لە وشکبوونەوەی گوورچیلەکان دەتانپارێزێت ئەمەیش بەهۆی ئەوەی خەیار ڕێژەی لە %96 ئاوی لەخۆدەگرێت.
دووەم – جوانی دەبەخشێت بە پێست: خەیار زۆر بەسوودە بۆ جوانکردن و گەنجکردنەوەی پێست ئەمەیش دەگەڕێتەوە بۆ بوونی ڕێژەیەکی زۆر مادەی "سلیکا" کە پێست گەشاوە دەکات و لە چرچوولۆچی و نیشانەکانی پیری دەیپارێزێت.