بڕیارە لە سەرەتای مانگی داهاتوو وەزارەتی دارایی و ئابووریی حكوومەتی هەرێمی كوردستان خشتەیەكی نوێی مووچە بڵاو بكاتەوە و گۆڕانكاریش لە خشتەكە كراوە.
ئەمڕۆ سێشەم 26ـی حوزەیران/ یۆنیۆ، بەگوێرەی ئەو زانیارییانەی دراون بە "وشە"، سەرەتای مانگی داهاتوو وەزارەتی دارایی و ئابووری حكوومەتی هەرێمی كوردستان لیستی مووچەی مانگی چواری فەرمانبەران بڵاو دەكاتەوە.
لە زانیارییەكاندا هاتووە، گۆڕانكاری لە لیستی مووچەی فەرمانبەران كراوە و وەزارەتی پێشمەرگە هاتووەتە پێشەوە و لیستی مووچەی فەرمانبەرانی تر وەك خۆی دەمێنێتەوە و لەكاتی خۆیدا دابەش دەكرێت.
وەزارەتی داریی بەپێی ئەو خشتەیە دەڕوات كە لە مانگەكانی پێشوو مووچەی پێ بڵاو كردووەتەوە و لە 10 ڕۆژی سەرەتای مانگی داهاتوو دەست بە دابەشكردنی دەكرێت.
دوای ڕێككەوتنێكی نێوان حكوومەتی هەرێمی كوردستان و حكوومەتی عێراق ئێستە كاتی دابەشكردنی مووچەی فەرمانبەرانی هەرێمی كوردستان ئاسایی بووەتەوە و لە كاتی خۆیدا دابەش دەكرێت و سەرەتای هەموو مانگێك تا 20 مانگ مووچەی تەواوی دامەزراوەكان دابەش دەكرێت.