نۆڤاك دیۆكۆڤیچی تێنسكاری سڕبی بۆ چوارەمجار بووە پاڵەوانی پاڵەوانیەتیی وێمبڵدۆن دوای ئەوەی لە یاریی كۆتاییدا لە تێنسكاری ئەفریقیای باشوور كیڤن ئەندرسۆنی بردەوە.
دیۆكۆڤیچ لە یاریی كۆتایی پاڵەوانیەتیی تێنسی وێمبڵدۆن لە ركابەرییەكانی تاكی پیاواندا یارییەكەی بە ئەنجامی 6-2، 6-2 و 7-6 لە خاوەن ریزبەندی هەشتەمی تێنسكارانی جیهان ئەندرسۆن بردەوە.
دیۆكۆڤیچ ئەم ناسناوەی دوای دابڕانی بۆ ماوەی 25 مانگ لە بەدەستهێنانی هیچ پاڵەوانیەتییەكی گەورە بردەوە و ژمارەی ناسناوە گەورەكانیشی لە ژیانی وەرزشیدا كرد بە 13 ناسناو كە چواریان جامی پاڵەوانیەتیی وێمبڵدۆنە.