لە سلێمانی فێستیڤاڵێکی ئەدەبی و هونەری تایبەت بە "شیعر و چیرۆک و سیناریۆی شانۆ و کورتە فیلم"، بۆ گەنجان و لاوان، ئه‌نجام ده‌درێت، و بڕیاره‌یشه خه‌ڵاتیش به‌سه‌ر یه‌كه‌مه‌كان دابه‌ش بكرێت.
له ژێر درووشمى"تەرزەنوێکانی ئەدەب و هونەری کوردی"، ڕێکخراوی "هایما"، بە هاوکاری بەڕێوبەرایەتی گشتی ڕۆشنبیری و هونەری سلیمانی، فێستیڤاڵی ئەدەب و هونەر ئه‌نجامده‌ده‌ن.
بڕیاره له فێستیڤاڵەکەدا باشترین کورتە فیلم و نمایشی شانۆ، و پڕخوێنەرترین و پڕ فرۆشترین ڕۆمان و چیرۆک و شیعر، بۆ ساڵی 2018 خەڵات بكرێن.
له فێستیڤاڵەکەدا مەرجی بەشداریکردن بۆ به‌شدار بوون ڕوونكراوه‌ته‌وه، به‌شدار بوون ده‌توانن بۆ به‌شدارى كردنیان له فیسنیڤاڵه‌كه لە 20ی ئه‌یلوول تا یه‌كى تشرینى دووه‌م، بابەتەکان بنێرن.