رێژەی گەشەی ئابووری چین لە سێ مانگی رابردوو دابەزیوە و گەیشتووەتە نزمترین ئاستی لە ماوەی نزیكەی 10 ساڵی رابردوو تۆمار كرابێت.
گەشەی ئابووری چین لە سێ مانگی سێیەمی ساڵی 2018 بەراورد بە سێ مانگ پێشتر 0.2% دابەزی و رێژەی گەشەی ئابووری ئێستەی وڵاتەكەش لە ئاستی هیوا و حەزی وڵاتەكەدا نییە.
بەگوێرەی
"رادیۆ فڕەنسا" بۆیە بەرپرسانی چین رێوشوێنێكی توندی ئابوورییان گرتووەتە بەر و دەیانەوێ هیوای وەبەرهێنەرەكان بەرز بكەنەوە و دڵنیایان بكەنەوە ئەمەی روو دەدات كاتییە و لە داهاتوودا وەبەرهێنەران پێگەیان باشتر دەبێت.
بەپێی ئامارەكانی چین رێژەی گەشەی بەرهەمهێنانی نەپاڵاوتووی ناوخۆیی چین 6.7% بۆ 6.5٪ دابەزیوە. پێشتر فەرمانگەی ئاماری چین پێشبینی كردبوو رێژەی گەشەكە 6.6% بێت، بەڵام ئەم پێشبینییە بەدی نەهات.
بەشێك لە پسپۆڕانی ئابووری چین هۆكاری دابەزینی گەشەی ئابووری چین بۆ ئەو ململانێیە ئابوورییانە دەگەڕێننەوە كە لە نێوان ئەمەریكا و چین دەستی پێ كردووە، تەنانەت پێشبینی دەكەن لە مانگەكانی داهاتوودا دۆخی ئابووری چین خراپتر بێت.