تیپی شانۆیی کەرکووک بە بەشداریی ژمارەیەک ئەکتەر، شانۆیی "گەمەی کەرەکان" نمایش دەکات.
بڕیاره ڕۆژانی 25 و 26 ی ئادار، سه‌عات پێنجی ئێوارە، شانۆیی گەمەی کەرەکان لە سەنتەری ڕۆشنبیریی کەرکووک - بەرانبەر بەنزینخانەی ئیسکان نمایش بكرێت، شانۆیی گەمەی کەرەکان، شانۆییەکی کۆمیدی و ڕەخنە ئامێزە و بە هاوکاری بەڕێوەبەرایەتی ڕۆشنبیری و هونەری کەرکووک نمایش دەکرێت.
گەمەی کەرەکان لە نووسین و دەرهێنانی مەریوان زەنگەنە هەریەکە لە (تارق ناسح - دارا عزه‌دین - کاڵێ سیروان ـ عه‌لی نامیق - گۆران عه‌دنان - سوزان ئه‌حمه‌د - چرۆ كامیل - نور عومه‌ر- محه‌مه‌د سیروان - ئه‌حمه‌د باهیر - محه‌مه‌د عه‌بدوڵا) ڕۆڵەکان بەرجەستە دەکەن.
جێى ئاماژه كردنه كه ڕۆژی 19ی تەمووزی پار ساڵ، ئەم شانۆییە بە میوانداریی لقی سلێمانی سەندیکای هونەرمەندانی کوردستان، شانۆیی (گەمەی کەرەکان) لە سلێمانی نمایشکرا.