له‌ شارێكی باكووری كوردستان 67 كه‌س به‌هۆی وه‌رگه‌ڕانی پاسێك بوونه‌ قوربانی

:: AM:10:06:19/07/2019 ‌
پاش ئه‌وه‌ی پاسێك له‌ شاری وانی باكووری كوردستان وه‌رگه‌ڕا، به‌هۆیه‌وه‌ 67 كه‌س بوونه‌ قوربانی و ژماره‌ی مردووه‌كان تا ئه‌م به‌یانییه‌ش ڕووی له‌ زیادبوون كردووه‌.

ماڵپه‌ڕی توركیا بڵاوی كرده‌وه‌، دوێنێ پێنجشه‌م له‌ ناوچه‌یه‌كی گه‌شتیاریی سه‌ر به‌ شاری وانی باكووری كوردستان، پاسێكی گه‌شتیاران وه‌رگه‌ڕا، به‌ هۆیه‌وه‌ 16 كه‌س گیانیان له‌ده‌ست دا و 51 كه‌س بریندار بوون، تا ئه‌م به‌یانییه‌ شۆفێره‌كه‌ش گیانی له‌ده‌ست دا و ژماره‌ی مردووه‌كان زیادی كرد.

ئه‌و پاسه‌ گه‌شتیارانی زۆر وڵاتی جیاوازی تێدا بوو، وه‌ك ئه‌فغانی، پاكستانی و به‌نگلادیشی، له‌ناو قوربانییه‌كانیشدا 15 دانه‌یان له‌ ژن و منداڵ بوون، له‌ ڕێگه‌ی ئۆتۆمبێلی فریاكه‌وتنه‌وه‌ به‌په‌له‌ گه‌یه‌نراونه‌ته‌ نه‌خۆشخانه‌، به‌ڵام ژماره‌ی مردووان گه‌یشته‌ 17 كه‌س.

به‌پێی زانیارییه‌كان، ڕووداوه‌كه‌ له‌ ناوچه‌ی مورادییه‌ ڕووی داوه‌، كه‌ ویستوویانه‌ له‌وێوه‌ به‌ ڕێییه‌ شاخاوییه‌كان بڕۆن بۆ شاری وانی باكووری كوردستان.



وشە - ڕێناس شابان

ئه‌م بابه‌ته 244 جار خوێنراوه‌ته‌وه‌‌