بەڕێوەبەرایەتی گشتی چاودێری و گەشەپێدانی كۆمەڵایەتی هەولێر ڕوونكردنەوەیەك لەبارەی دەنگۆی فڕێدانی ژنێكی بە تەمەن لە شارەكە بڵاو دەكاتەوە.
لە ڕوونكردنەوەكەی بەڕێوەبەرایەتی گشتیی چاودێری و گەشەپێدانی كۆمەڵایەتی هاتووە، لە تۆڕە كۆمەڵایەتییەكان و چەند كەناڵێك دەنگۆی فڕێدانی ژنێكی بەساڵاچوو بڵاو كرایەوە لە گەڕەكی نەورۆزی شاری هەولێر، دوای بڵاوبوونەوەی دەنگۆی فڕێدانی ژنەكە تیمی تایبەتی خانەی بەساڵاچووان بە پزیشكەوە لە شوێنەكە ئامادە بوون و گواستیانەوە نەخۆشخانە.
لە ڕوونكردنەوەكەدا هاتووە، ئەو ژنە بەساڵاچووە بەهیچ شێوەیەك فڕێ نەدراوە، بەڵكو ڕێی ماڵەوەی لێ تێكچوو بوو و كەسوكارەكەی بردیانەوە ماڵەوە.
بەڕێوەبەرایەتییەكە داوا لە میدیاكاران دەكات بەنەبوونی زانیاری پێویست سۆزی هاووڵاتییان بۆ خۆیان بەكار نەهێنن و خێزانی ئەو ژنە و خێزانی تر تووشی دڵەڕاوكێ نەكەن.