بەشێكی دانیشتووانی شارەدێی خەلیفان ئاوەڕۆی سەرەكییان كردووەتە بیری
توالێت و بەڕێوەبەری شارەدێکە دەڵێت، لیژنەیەكمان پێكهێناوە و سزای توندیان دەدەین.
ئەمڕۆ سێشەم شەشی ئاب، كاروان كەریم خان گوندەژۆری بەڕێوەبەری شارەدێی
خەلیفان بە "وشە"ی راگەیاند، بەشێك لە دانیشتووانی گەڕەك و كۆڵانەكانی خەلیفان
كەوتونەتە سەر ڕێڕەوی زێرابی خەلیفان و ئاوەڕۆی ماڵەكانییان دەرژێتە نێو ئاوی زێراب
و دواتر ئاوەكە دەچێتە نێو رووبار و بەشێك
لە دانیشتوانی بیری توالێتیان نییە و زێرابەكانیان كردۆتە بیری توالیت، ئەمەش دیاردەیەكی
زۆر نەشیاوە و دەبێتە هۆی پیسكردنی ڕووباری خەلیفان.
زیاتر روونی دەکاتەوە، ئاوبەر وزێرابەكان بۆ ئاوی باران و ئاوی سرووشتی دانراوە نەك بۆ ئاوی حەمام و پاشەڕۆی
توالیتی ماڵان، بۆیە ئەو هاووڵاتییانەی ئەو كارەیان ئەنجامداوە رووبەڕووی یاسا و
سزای توندییان دەكەینەوە كە لە ئەنجامدا بەهۆی ئەوانەوە رووباری خەلیفان پیس دەبێت.
لەلایەیەكی تریش بە درێژایی رووبار زیل و پاشماوەی ماڵان فڕێ دەدرێتە
لێواری رووبارەكان ئەمەش وێڕای بەخشینی سیمایەكی نا شارستانی، لەڕووی تەندروستییەوە
ئاوەكە پیس دەكات و ئەوانەی سوود لە ئاوی رووبار دەبینین رەنگە تووشی نەخۆشی ببنن
.
كاروان كەریمخان دەڵێ، وەك بەڕێوەبەرایەتی شارەدێی خەلیفان داواكارییەكمان
پێشكەش بە "I O M"ی نێودەوڵەتی كردووە
خاوێن كردنەوەی ئەركی رووباری خەلیفان و درووست كردنی قەفەزی كۆكردنەوەی
زبڵ و خاشاك كە ئەویش كاریگەری زۆری دەبێت لەسەر پاراستنی خەلیفان، بۆمان دابین
بکەن.
گوندەژۆری دووپاتی دەکاتەوە، لە زۆربەی شوێنەكانی خەلیفان، تا دەگاتە
گەلی عەلیبەگ ،هاوینە هەوار و سەیرانگا و ناوچەی گەشتیاری لێیە و پیسبوونی ئاوی
رووبارەكە ناڕەزایی گەشتیارانیشی لێ كەوتۆتەوە، ئەم دیاردەیەش تازە نییە و چەندین
ساڵ پێش ئێستە كراوە، بۆیە لە ماوەیەكی نزیك لیژنەیەك پێكدەهێنین بە مەبەستی بەدواداچوون
و سزادانی ئەو هاووڵاتییانەی زێدەڕۆییان كردۆتە سەر زێرابەكان و بۆ بەرژەوەندی ماڵەكانیان
بەكاریان هناوە.
تا ئێستە حكوومەت و لایەنە پێوەندیدارەكانی ناوچەكە نەیانتوانیوە چارەسەری
کێشە ئەو زێرابانە بكەن، بەڕێوەبەرایەتی
ناحیەی خەلیفان لە رێگەی لیژنەیەكەوە سەرقاڵی لادانی ئەو زێدەڕۆییانە و سزادانی ئەو
هاووڵاتییانەیە كە كارەكەیان ئەنجام داوە .
خەلیفان لە رووی كارگێڕییەوە سەر بە شارۆكەی سۆرانی پارێزگەی هەولێرە، لە 63 گوند پێكهاتووە و ژمارەی دانیشتوانی زیاتر
لە 50 هەزار كەس دەبێت.
خەلیفان – موڕشید برادۆستی