ئه‌و گه‌نجه‌ى له‌ دۆكان خنكا نه‌خۆشى شێرپه‌نجه‌ى هه‌بووه‌

 گەنجێك كە بەمەستی گەشتكردن سه‌ردانى دۆكانى كردبوو نیوه‌ڕۆى ئه‌مڕۆ له‌ ده‌ریاچه‌كه‌ى ئه‌و سنووره‌ خنكا. گه‌نجه‌كه‌ خه‌ڵكى دیاله‌یه‌ و نه‌خۆشى شێرپه‌نجه‌ى هه‌بووه‌.

ئه‌مڕۆ 13ى ئاب، سیروان سەرحەد، قایمقامی  دۆكان بۆ "وشه‌" گوتى، ئەو گەنجەی خنكاوە تەمەنی 22 ساڵە بە رەگەز عەرەبە و خەڵكی پارێزگای دیالە، ئەو شوێنەی ئەو گەنجە لێی خنكاوە پێی دەگوترێت بەری ساردكە، پێشتریش چەند رووداوێكی ھاوشێوەی لێ رووداوە و پەرژین كراوە بۆ ئەوەی گەشتیار بۆی نەچن.

روونیشى كرده‌وه‌ كه‌ ئەو گەنجە نەخۆشی شێرپەنجەی ھەبووە و لە نەخۆشخانەی ھیوا لە سلێمانی چارەسەری پێدراوە.

هه‌روه‌ك دووپاتى كرده‌وه‌ پێشتر كۆمەڵێك رێنوێنى  لە وەزارەتی ناوخۆ و پارێزگای سلێمانی له‌باره‌ى مه‌له‌كردن بڵاو كراوه‌ته‌وه‌.



وشە - سه‌رخێڵ هاشم


PM:02:43:13/08/2019




ئه‌م بابه‌ته 864 جار خوێنراوه‌ته‌وه‌‌



زۆرترین خوێنراو‌
بابەتی پێوه‌ندار ‌