جگەر ئەو ئەندامەی لەشی مرۆڤە كە دەكەوێتە بەشی سەرەوەی لای راستی بۆشایی سك لە ژێرەوەی ناوپەنچك و لە سەرووی گەدە و گورچیلەی راست و رۆخۆڵەكانەوە، رەنگێكی قاوەیی سوورباوی تێری هەیە و چەندان فرمانی گرنگی هەیە.
جگەر لە لە دوو بەش پێكهاتووە هەردووگیان لە هەشت قاش و هەریەكەیان لە هەزار پڵی بچووك پێكهاتوون كە ئەوان بە لوولەی بچووك بەستراونەتەوە و ئەوانیش بە لوولەی گەورەتر بۆ پێكهێنانی لوولەی جگەر كە شلەی زەرداو دەگوازێتەوە لە لەلایەن جگەرەوە بەرهەم دەهێنرێت و لە كیسی زەرداو كۆ دەبێتەوە یان بۆ دوانزە گرێ دەچێت و بەشداری لە هەرسكردنی خۆراك دەكات.
جگەر ئاستی كیمیایی لە خوێن رێكدەخات و شلەی زەرداو دەردەدات و یارمەتی تێكشكاندنی چەوری دەدات و بۆ هەرسكردنی زیاتر و مژین ئامادەی دەكات كاتێك تەواوی خوێنی دەرچوو لە گەدە و ریخۆڵە بە جگەرەوە دەڕوات و جگەریش چارەسەری دەكات، هەروەها یارمەتی هەڵمژینی دەرمان دەدات لەلایەن لەشەوە و لە فرمانەكانیتری جگەر برتین لە:
*بەرهەمهێنانی زەرداو كە یارمەتی رزگاربوون لە ژەهرەكان و تێكشكاندنی چەوری لە ریخۆڵە باریكە لەكاتی پرۆسەی هەرسدا.
* بەرهەمهێنانی چەند جۆرێك پرۆتینی پێویست بۆ پێكهێنانی پلازمای خوێن.
*بەرهەمهێنانی كۆلیسترۆل و پرۆتینی پێویست بۆ گواستنەوەی چەوری لە لەشدا.
*چارەسەركردنی هیمۆگلۆبین بۆ بەكارهێنانی پێكهاتەكەی لە ئاسن، ئەمباركردنی ئاسن.
*گۆڕینی ئەمۆنیای زیانبەخش بۆ یۆریا.
*پاككردنەوەی خوێن لە مادەی هۆشبەر و مادەی تری زیانبەخش.
*رێكخستنی خوێنمەیین.
*بەرگریكردن لە بڵاوبوونەوەی پەتا لە رێگەی بەرهەمهێنانی هۆكارەكانی بەرگری و لابردنی بەكتریا لە رێڕەوی خوێن.
*لابردنی بیلیرۆبین.