دوو پێشمەرگە گیانیان له‌ ده‌ست دا

:: PM:11:07:28/08/2019 ‌
سووپای پاسدارانی ئێران ڕای گەیاندووه‌، کە دوو پێشمه‌رگه‌ى حزبی دیموکراتی كوردستانی ئێران لە شاری سەردەشت کەوتوونەتە بۆسەی هێزەکانیانه‌وه‌ و گیانیان لە دەست داوە.

كه‌مێك پێش ئێسته‌ ڕێکخراوی هه‌نگاو بۆ مافه‌كانی مرۆڤ بڵاوی كرده‌وه‌، ئه‌مڕۆ چوارشه‌م 28ی ئاب، فەیلەقی حەمزەی سووپای پاسداران لە ئورمیە ڕاگەیەندراوێکی بڵاو کردەوە و ڕای گەیاند، "بکوژانی پاسدار (خالید شوانی) لە سنوورەکانی سەردەشت کەوتوونەتە بۆسەی هێزەکانی سووپا و دوو کەسیان گیانی لە دەست داوە و یەکێکیان بە دیل گیراوە".

رێكخراوی هەنگاو له‌ ڕاگه‌یاندراوه‌كه‌دا كه‌ وێنه‌یه‌كى له‌ ژوورى هه‌واڵى ڕۆژنامه‌نووسانى ڕۆژهه‌ڵات ده‌ست "وشه‌" كه‌وتووه‌، ڕاى گه‌یاندووه‌، دوو کەس بەناوەکانی (عەلی بایزیدپوور و ئیبراهیم عەزیز نژاد)  لە گوندی قەڵاڕەشەی سەردەشت لە ئەنجامی تێکهەڵچوونێکدا کە سه‌عات دووی بەرەبەیان هاتووەتە ئاراوە گیانیان لە دەست داوە و کەسێکیش بە ناوی (مێهران ئەحمەدیان) بریندار و دواتر بە دیل گیراوە.

سەرچاوەیەکیش لە حزبی دیموکراتی کوردستان (حدک) ئەو زانیاریانەی بۆ هەنگاو پشتڕاست کردوەته‌وه‌.


وشە - محەمەد میران

ئه‌م بابه‌ته 10276 جار خوێنراوه‌ته‌وه‌‌