ئەندامێكی سەركردایەتی یەكێتی نیشتمانی كوردستان ڕای دەگەیەنێت،
ئازادكردنی سیروان كوێخا نەجم دوورە لە ڕاستییەوە و دەشڵێت، لە قەڵاچۆلان دەمێنێتەوە
تا ئەو كاتەی تۆمەتەكەی لەسەر نامێنێت و لێكۆڵینەوەی لەگەڵ دەكرێت.
ئەمڕۆ چوارشەم 11ی ئەیلوول، محەمەد وەتمان ئەندامی سەركردایەتی یەكێتی نیشتمانی
كوردستان بە "وشە"ی ڕاگەیاند، لێكۆڵینەوەكان لەگەڵ سیروان کوێخا نەجم كراون
و دوای تەواوبوونی لێكۆڵینەوەكان دەچێتەوە ماڵەوە.
زیاتر روونی دەکاتەوە، سیروان کوێخا نەجم نەگیراوە تا ئازاد بكرێت، ئەو
وەك میوان لە بارەگای قەڵاچۆلانە و لەوێ دەمێنێتەوە، ئەوەی لە بارەی ئازادكردنی بڵاو
بووەتەوە دوورە لە ڕاستییەوە.
ئەو ئەندامەی سەركردایەتی یەكێتی نیشتمانی كوردستان دووپاتی دەکاتەوە،
لە قەڵاچۆلان دەبێت تا ئەو تۆمەتەی بۆی دروستكراوە لەسەری نامێنێت و لێكۆڵینەوەی لەگەڵ
دەكرێت.
رۆژی 25ی ئاب، سیروان كوێخا نەجم ئەندامی ئەنجوومەنی سەركردایەتی یەكێتی
بە بڕیاری كۆسرەت ڕەسوڵ، جێگری سكرتێری گشتی یەكێتی گیرا و لە قەڵاچۆن لە لایەن دەزگای
ئاژانس و زانیاری لێكۆڵینەوەی لەگەڵ دەكرێت، تا ئێستە یەکێتی بە روونی هۆکاری گرتن
و تۆمەتەکانی ئاشکرا نەکردووە.
سلێمانی/ هۆشیار عەلی