مامەڵەكردن بە 25 هەزاری حەرام كرا

:: PM:01:39:30/09/2019 ‌
یەكێتی زانایانی كوردستان بەشێوەیەكی فەرمی مامەڵەكردنی بە دراوی 25 هەزاری كۆن لە سەردەمی ڕژێمی بەعس ماون ڕەتكردەوە و بەكارێكی نادروستی دەزانێت.

ئەمڕۆ دووشەم 30ـی ئەیلوول، لە فەتوایەكی نوێی یەكێـی زانایانی كوردستان هاتووە، ئەنجوومەنی باڵای فەتوا سەبارەت بە حوكمی مامەڵەكردن بە پارەی 25 هەزار دیناری هەڵوەشاوەی رژێمی پێشوو فەتوایەكی دەركرد.

باس لەوەشكراوە، ژمارەیەك خاوەن كۆمپانیای ئالوگۆڕكردنی دراو پرسیارێكیان ئاراستەی ئەنجوومەنی باڵای فەتوا كرد، سەبارەت بە حوكمی مامەڵە كردن بە پارەی هەڵوەشێنراوەی 25 هەزار دیناری عێراقی رژێمی پێشوو، ئەنجوومەنی باڵای فەتوا لێكۆلینەوە و گفتوگۆی پێویستی ئەنجامدا. 

ڕوونكراوەتەوە، دروست نیە مامەڵە كردن بەو پارانەی كە رەسیدی نەماوە و بە فەرمی بەتاڵكراوەتەوە، چونكە فریودانی تیادایە و بە فەرمی متمانەی لەدەست داوە و پێچەوانەی یاسا كارپێكراوەكانە، بۆیە موسڵمانان پێویستە خۆیان بەدوور بگرن لەو جۆرە مامەڵانە.





وشە - رامیار جەواد

ئه‌م بابه‌ته 13230 جار خوێنراوه‌ته‌وه‌‌