لێگزسی 2020 نمایش كرا.. دیزاینه‌كه‌ی شۆكت ده‌كات

:: PM:04:27:18/11/2019 ‌

كۆمپانیای لێگزس بۆ ساڵی داهاتوو یه‌كێك له‌ ناوازه‌ترین و پڕفرۆشترین ئۆتۆمبێله‌كانی نمایش كرد كه‌ له‌ڕووی دیزاین و هێزه‌وه‌ گۆڕانكاری ته‌واوی تێداكردووه‌ و وای كردووه‌ ببێته‌ جێگای سه‌رنجی خه‌ڵكی.

ماڵپه‌ڕی "caricos"ی تایبه‌ت به‌ ئۆتۆمبێل بابه‌تێكی له‌باره‌ی نوێترین به‌رهه‌می لێگزس بڵاو كردووه‌ته‌وه‌ و ئاماژه‌ی پێ داوه‌، لێگزس له‌ پێشانگاكانیدا ئۆتۆمبێلی "GX 460"ی نمایش كرد كه‌ به‌نیازه‌ بۆ ساڵی داهاتوو بیخاته‌ بازاڕه‌وه‌.

لێگزسی نوێ قەبارەی بۆدیی و بزوێنەرەکەی گەورەتر کراوە

ئه‌م ئۆتۆمبێله‌ مۆدێلێكی زۆر ناوازه‌یه‌ و خاوه‌ن هێزێكی زۆره‌ و كێشێكی قورسی هه‌یه‌ و له‌ڕووی بۆدیشه‌وه‌ زۆر به‌ پته‌وی دروست كراوه‌، جگه‌ له‌وه‌یش به‌راورد به‌ به‌رهه‌مه‌كانی پێشووتر دیزاینه‌كه‌ی گۆڕاوه‌ و قه‌باره‌ی بزوێنه‌ره‌كه‌یشی گه‌وره‌تر كراوه‌، به‌ڵام به‌هۆی ئه‌وه‌ی ساڵی داهاتوو ده‌خرێته‌ بازاڕه‌وه‌ له‌باره‌ی نرخ و تایبه‌تمه‌ندییه‌كانی هیچ شتێك ئاشكرا نه‌كراوه‌.

لێگزس یه‌كێكه‌ له‌ كۆمپانیا به‌ناوبانگه‌كانی دنیا بۆ دروستكردنی ئۆتۆمبێلی به‌هێز و خاوه‌ن كوالێتییه‌ ناوازه‌كان، لیگزس كۆمپانیایه‌كی ژاپۆنییه‌ و له‌ ساڵی 1898 دامه‌زراوه‌ له‌سه‌ر ده‌ستی پیاوێكی بازرگان به‌ناوی "ئیجی تۆیۆدا" كه‌ ئێسته‌ ئۆفیسی سه‌ره‌كی ده‌كه‌وێته‌ "ناگۆیا" له‌ ژاپۆن و یه‌كێكه‌ له‌ كۆمپانیا به‌ناوبانگه‌كان كه‌ مانگانه‌ و ساڵانه‌ به‌رهه‌می به‌هێز ده‌خه‌نه‌ بازاڕه‌وه‌.












وشە - ڕۆزی عه‌بدولره‌حمان

ئه‌م بابه‌ته 1637 جار خوێنراوه‌ته‌وه‌‌