گوشارێكی زۆر بە تایبەت لە لایەن ئەمەریكاوە بۆ سەر كۆمپانیایەكی ئەڵمانیا لە ئارادابوو بۆ ئەوەی گرێبەست لەگەڵ كۆمپانیای هواوی واژوو نەكات كە بە گرنگترین كۆمپانیای چین لە بواری ئای تی و گەیاندن هەژمار دەكرێت.
ئەڵمانیا لە هەوڵی خستنەڕووی تۆڕی مۆبایلی نەوەی پێنجەمی 5G بوو كە كۆمەڵیك كۆمپانیای بە ناوبانگی دنیا لە هەوڵی وەرگرتنی تەندەرەكەدا بوون. دواجار هەریەك لە كۆمپانیاكانی نۆكیای فینلەندی و هواوی چینی توانییان تەندەرەكە ببەنەوە و گرێبەست لەگەڵ كۆمپانیای "تێلێفۆنیكا دۆیچلەند" واژوو بكەن.
"تێلێفۆنیكا دۆیچلەندیش" بە گەورەترین كۆمپانیای بواری گەیاندن و تەكنەلۆجیای ئیسپانیا هەژمار دەكرێت كە تەواوی خزمەتگوزارییەكانی بواری ئینتەرنێت و تەلەفۆن لە ئەڵمانیا پێشكەش دەكات.
بەگوێرەی "
رادیۆ فەردا" كۆمپانیای هواوی لە لایەن ئەمەریكاوە بە تۆمەتی سیخوڕی خراوەتە ناو لیستی رەشەوە و هێشتا حكوومەتی ئەڵمانیا بە تەواوی بڕیاری ئەوەی نەداوە لەگەڵ هواوی هاوكاری دەكات یان نا.
پشكەكانی "تێلێفۆنیكا دۆیچلەند" لە بۆرسەی فرانكفۆرت بە رێژەی 2.5% دابەزی
پێویستە بگوترێت لەگەڵ واژووكردنی ئەم گرێبەستە، بەهای پشكەكانی "تێلێفۆنیكا دۆیچلەند" لە بۆرسەی فرانكفۆرت بە رێژەی 2.5% دابەزی.
ئەم گرێبەستە لە كاتێكدا واژوو كراوە كە هەریەك لە كۆمپانیاكانی "دۆیچەتێلێكۆم" و "ڤۆدافۆن" خەریكن سەرجەم گرێبەست و هاوكارییەكانیان لەگەڵ كۆمپانیا چینییەكە دەوەستێنن.