وەزیری شارەوانی و گەشتوگوزاری حكوومەتی هەرێمی كوردستان ئاشكرای دەكات، سەرۆكی حكوومەت گرنگی زۆر بە كەرتی گەشتیاری دەدات و بە بایەخەوە لە كەرتی گەشتوگوزار و شوێنەوار دەڕوانێت.
ئەمڕۆ دووشەم 15ـی كانوونی یەكەم، ساسان عەونی وەزیری شارەوانی و گەشتوگوزار سەردانی سلێمانی كرد و بۆ میدیاكان ڕای گەیاند، حكوومەتی هەرێمی كوردستان بایەخێكی زۆر بە كەرتی گەشتوگوزار دەدات و وەزارەتی شارەوانی و گەشتوگوزاریش درێغی ناكات لە خزمەتكردن و جێبەجێكردنی پڕۆژەی تایبەت بە كەرتی گەشتیاری و شوێنەوارییەكان.
وەك سەرچاوەیەكی تری داهات بۆ حكوومەت و پێشاندانی كولتوور و جوانییەكانی كوردستان بە گەشتیارانی ناوخۆیی و دەرەكی دەڕوانێت
وەزیری شارەوانی گوتی، وەزارەتی شارەوانی و گەشتوگوزار بایەخێكی زۆر بە كەرتی گەشتیاری دەدات وەك سەرچاوەیەكی تری داهات بۆ حكوومەت و پێشاندانی كولتوور و جوانییەكانی كوردستان بە گەشتیارانی ناوخۆیی و دەرەكی دەڕوانێت.
باسی لەوەش كرد، حكوومەتی هەرێمی كوردستان و سەرۆكی حكوومەت خۆیشی بە بایەخەوە لە كەرتی گەشتیاریی و شوێنەوار دەڕوانێت و كاری رژد لەمبارەیەوە دەكات.
سەردانی وەزیری شارەوانی بەمەبەستی لە نزیكەوە ئاگەداربوون لە كێشە و گرفتەكانی شارەوانی سلێمانی بوو تا كێشەكان چارەسەر بكرێت.