بۆ ڕووبهڕووبوونهوهی ئهنفلۆنزای باڵنده كه ئێسته له چهند ناوچهیهكی ئێران سهری ههڵداوه، تهندروستی سلێمانی ژوورێكی ئۆپهراسیۆنی پێكهێناوه و هاوكات ئامادهكارییهكانی دهست پێ كردووه بۆ ڕووبهڕووبوونهوهی ئهو نهخۆشییه و وهزارهتی تهندروستیش دهڵێت، هیچ حاڵهتێكی ئهنفلۆنزا تۆمار نهكراوه.
ئەمساڵ هیچ حاڵەتێکی تووشبوون لە کوردستان تۆمار نەکراوە
ئهمڕۆ دووشهم 16ی کانوونی یەکەم، یاد نهقشبهندی بهڕێوهبهری ڕاگهیاندنی تهندروستی پارێزگای سلێمانی به "وشه"ی ڕاگهیاند، دوای ئهوهی له چهند ناوچهیهكی ئێران ئهنفلۆنزای باڵنده تۆمار كرا، بههۆی ئهوهی ئهو ناوچانه هاوسنوورن لهگهڵ ههرێمی كوردستان و بهتایبهت پارێزگای سلێمانی، لیژنهیهكی باڵای بهرنگاربوونهوهی ئهو نهخۆشییه له تهندروستی سلێمانی پێک هاتووە و ئامادهكارییەکانیان دهستی پێ كردووە.
زیاتر روونی دەکاتەوە، لیژنهكه وهك ههنگاوێك بۆ ڕووبهڕووبوونهوهی ئهو نهخۆشییه، لهگهڵ نوێنهری ڕێكخراوی تهندروستی جیهان و خۆپاراستنی سلێمانی و لایهنه پێوهندیدارهكان له ههوڵی ئهوهدان لهڕووی دهرمان و چارهسهری حاڵهتێك ئهگهر ڕووبدات ئامادە بن، ههروهها شوێنی تایبهت له تهندروستی سلێمانی ئاماده كراوه بۆ ئهوانهی ئهگهر توشی ئهو نهخۆشییه بن.
محهمهد قادر، گوتهبێژی وهزارهتی تهندروستی به "وشه"ی ڕاگهیاند، ههرێمی كوردستان لە ههموو پارێزگاكان له بهڕێوهبهرایهتی تهندروستییهكان ئامادهكاری كراوه بۆ ڕووبهڕووبونهوهی نهخۆشی ئهنفلۆنزا.
"ههموو ساڵێك لهگهڵ هاتنی وهزری سهرما تهندروستی له ڕێگهی بهڕێوهبهرایهتییهكانهوه به بون و نهبوون دهست به ئامادهكاری دهكهن بۆ نهخۆشی ئهنفلۆنزا بهو پێیهی نهخۆشییهكه وهرزیه، ئهمساڵیش تا ئهمڕۆ هیچ حاڵهتێكی نهخۆشی ئهنفلۆنزا له ههرێمی کوردستان تۆمارنهكراوه" گوتەبێژی وەزارەتی تەندروستی وای گوت.
بههۆی ئهوهی ئهنفلۆنزا نهخۆشیهكی وهرزییه و له سهرمادا گەشە دەکات، ساڵانه چهندین حاڵهتی نهخۆشی ئهنفلۆنزا تۆمار كراوه، بهڵام ئهمساڵ تا ئێستا هیچ حاڵهتێك تۆمارنهكراوه.
سلێمانی/ هۆشیار عهلی