كەسوكاری شەهیدان لە كەركووك دەردەكرێن

:: PM:12:01:26/01/2020 ‌
ژمارەیەكی زۆر لە هاووڵاتییانی گەڕەكی پەنجا عەلی كەركووك گردبوونەوە و ئاشكرایان كرد، پارێزگاری سەپێنراوی كەركووك داوای كردووە ئەو شوقانە چۆڵ بكەین كە دراونەتە كەسوكاری شەهیدان.

ئەمڕۆ یەكشەم 26ـی كانوونی دووەم، ژمارەیەك لە هاووڵاتییانی دانیشتووی گەڕەكی پەنجا عەلی شاری كەركووك، گردبوونەوەیەكیان ئەنجام دا و شەقامی سەرەكیی شارەكەیان داخست.

ئەو هاووڵاتییانە بۆ میدیاكان ئاشكرایان كرد، پارێزگاری كەركووك نووسراوێكی بۆ ناردووین دەبێت لە ماوەی 10 ڕۆژدا ئەو شوقانە چۆڵ بكەین و مافی عەرەبە تێیاندا نیشتەجێ بن نەك كورد.

دەبێت لە ماوەی 10 ڕۆژدا ئەو شوقانە چۆڵ بكەین و مافی عەرەبە 
باسیان لەوەش كرد، ئەو شوقانە بۆ كەسوكاری شەهیدانی كورد دروست كرابوون، لە ساڵی 2014 دابەش كراون و ئێستە تێیاندا نیشتەجێین، پارێزگاری كەركووك ئێستە بە نوێنەری ئێمەی گوتووە كەركووك كوردی تێدایە تا شەهیدی هەبێت، بۆیە هیوادارین فریامان بكەون.

"لە نووسراوەكەی پارێزگاری كەركووكدا هاتووە، ئەگەر لە ماوەی 10 ڕۆژ چۆڵی نەكەن، ئەوا سەرجەم پیاوانی ئەو شوقانە دەگرین و خۆتان بەرپرسیاریەتیی هەڵدەگرن". ئەو خۆپێشاندەرانە وایان گوت.

كەركووك دوای ڕووداوەكانی 16ـی ئۆكتۆبەری ساڵی 2017 لەلایەن پارێزگاری سەپێنراوی كەركووك هاووڵاتییانی كوردی تێدا دەچەوسێنرێتەوە، لە ماڵ و زەوییە كشتوكاڵییەكانیان دەردەكرێن.



وشە - رامیار جەواد

ئه‌م بابه‌ته 1132 جار خوێنراوه‌ته‌وه‌‌