ڤایرۆسى كۆڕۆنا نرخى نه‌وتی دابه‌زاند

:: PM:05:20:27/01/2020 ‌
به‌هۆى ئه‌و مه‌ترسییانه‌ى له‌ بڵاوبوونه‌وه‌ى ڤایرۆسى كۆڕۆنا هه‌یه‌ و كۆمپانیاكانى داخستووه‌، نرخى نه‌وت له‌ بازاڕه‌كان دابه‌زى و گه‌یشته‌ 58 دۆلار و 75 سه‌نت بۆ هه‌ر به‌رمیلێك.

ئه‌مڕۆ دووشه‌م 27ى كانوونى دووه‌م ئاژانسى "رۆیته‌رز" نرخى نه‌وتى له‌ بازاڕه‌كانى دنیا بڵاوكردووه‌ته‌وه‌ و ده‌ریخستووه‌  نزمترین ئاستى له‌ سێ مانگى رابردوو تۆماركردووه‌.

سێ مانگه‌ نه‌وت نرخى نه‌وت هێنده‌ دانه‌به‌زیوه‌

له‌ هه‌واڵه‌كه‌ى رۆیته‌رز هاتووه‌  سه‌عات 11 و 28 خووله‌ك به‌ كاتى گرێنچ نرخى بره‌میلێك خاوى برێنت دۆلارێك و 95 سه‌نت دابه‌زیوه‌ واته‌ به‌ رێژه‌ى 3.2%  به‌مه‌یش نرخه‌كه‌ى گه‌یشتووه‌ته‌ 58 دۆلار و 75 سه‌نت. 

رۆیته‌رز ئاماژه‌ى بۆ ئه‌وه‌ كردووه‌ته‌ له‌ مانگى ئۆكتۆبه‌رى رابردووه‌وه‌ نه‌وت ئه‌م نرخه‌ نزمه‌ى به‌خۆیه‌وه‌ نه‌دیوه‌.

سه‌باره‌ت به‌ نرخى خاوى تێكساسیش رۆیته‌رز  ده‌ڵێ دولارێك و 77 سه‌نت بۆ هه‌ر به‌رملێك دابه‌زیوه‌، واته‌ به‌ رێژه‌ى 3.3%  به‌مه‌یش نرخى به‌رمیلێك له‌م جۆره‌ نه‌وته‌ بووه‌ته‌ 52 دۆلار و 42 سه‌نت.

سه‌باره‌ت به‌ هۆكارى دابه‌زینى نرخى نه‌وت رۆیته‌رز ده‌ڵێ پێوه‌ندى به‌ بڵابوونه‌وه‌ى ڤایرۆسى كۆرۆنا هه‌یه‌، چونكه‌ داخستنى كۆمپانیاكه‌ وا ده‌كات خواستنى نه‌وت كه‌م له‌ بازاڕه‌كان به‌رز بێته‌وه‌.
 



وشە - فه‌یسه‌ڵ خه‌لیل

ئه‌م بابه‌ته 174 جار خوێنراوه‌ته‌وه‌‌