وه‌زاره‌تی ناوخۆی حكوومه‌تی هه‌رێمی كوردستان ڕوونكردنه‌وه‌یه‌كی بڵاو كرده و ڕایان گه‌یاندووه، پێویسته هاووڵاتییان گه‌شته‌كانیان بۆ نه‌جه‌ف و كه‌ركووك ڕابگرن.
ئه‌گه‌ر بۆ كاری پێویست نه‌بێت باشتره له‌و ماوه‌یه‌دا كه‌متر هاتوچۆ بكرێت
ئه‌مڕۆ چوارشه‌م 26ی شوبات، وه‌زاره‌تی ناوخۆی حكوومه‌تی هه‌رێمی كوردستان ڕوونكردنه‌وه‌یه‌كی بڵاو كردووه‌ته‌وه و تیایدا هاتووه، "به مه‌به‌ستی خۆپاراستن له ڤایرۆسی كۆرۆنا و رێگری له بڵاوبوونه‌وه‌ی داوا له گشت هاووڵاتییانی هه‌رێمی كوردستان ده‌كه‌ین گه‌شته‌كانتان بۆ شاره‌كانی تری عێراق به شێوه‌یكی گشتی رابگرن به تایبه‌تی بۆ شاره‌كانی (نه‌جه‌ف و كه‌ركووك) هه‌روه‌ها بۆ ناوخۆیی هه‌رێم ئه‌گه‌ر بۆ كاری پێویست نه‌بێت باشتره له‌و ماوه‌یه‌دا كه‌متر هاتوچۆ بكرێت.
ئه‌و بڕیاره‌ی وه‌زاره‌تی ناوخۆی حكوومه‌تی هه‌رێمی كوردستان له كاتێكدایه كه ئێسته كوردستان له چوارچێوه‌ی پڕۆسه‌ی خۆپارێزی له به‌رانبه‌ر ڤایرۆسی كۆرۆنایه و هه‌موو هه‌وڵێك ده‌ده‌ن ئه‌و ڤایرۆسه نه‌گاته كوردستان.